बुधबार, असोज १, २०७६
    लेख/संवाद

    न्याय नमरोस् है !

    रवि लामिछानेलाई प्रहरी हिरासतमा पुगेर भेटेपछि नायिका श्वेता खड्काले यस्ताे लेखिन्

    बिहिवार, ५ भाद्र २०७६, -श्वेता खड्का.

    'यो अँधेरो केहिबेरको लागी मात्र हो, भोली बिहान फेरी सुर्य उदाउने छ र नयाँ द्रुश्य छर्लङ्ग देखिनेछ' आदरणीय रवी लामिछाने दाईसंग आज भरतपुर कारागारमा भेट्दा उहाँले बोलेको यो वाक्यले मेरो मन छोयो । 

    कसुर सावित नभए तापनी कसुरवार सरह जिवन यापन गरिरहेका रवी दाइसंगको २ मिनेटको त्यो भेटमा उहाँले मेरो स्वास्थ्य अवस्था मात्र होईन सिन्धुपाल्चोकमा निर्माणाधिन माझी बस्तिको बारेमा पनि सोध्न भ्याउनु भयो । 

    म, रवी दाईसँग जेल भित्र २ मिनेटको भलाकुसारी गरिरहँदा बाहिर उनै रवी दाईको समर्थनमा घन्किरहेको केहि नाराहरुले हामीबीचको संवादमा अवरोध खडा गरिरहेको थियो । ३६ डिग्री को उग्रतापमा गुन्जिरहेको 'हाम्रो देश, हाम्रो रवी, प्राण भन्दा प्यारो छ' भन्ने आवाजलाई म स्पस्ट सुनिरहेको थिएँ । त्यही आवाजका बीचमा हाम्रो संवाद चलिरहेको थियो ।

    * * * * * * * * * * *

    निस्चित अवधिभित्र, समूहमा भेट्नुपर्ने नियमानुसार हाम्रो ठुलो टोली रवी दाईलाई भेट्न गएका थियौ । रवी दाईलाई कैदीको रुपमा टाढैबाट पहिलो द्रुश्य मेरो आँखामा पर्दा मनमा चसक्क काँडा बिझेसरी भएको थियो ।

    त्यती खेरै मैले सम्झें, केहि वर्ष अगाडी मैले रवि दाईको बारेमा सम्प्रेशण गरेको लेख । रवि लामिछाने जस्ता न्यायिक व्यक्तिको पक्षमा लेखिएको मेरो त्यो लेखको सिर्सक भित्र लुकेको भावलाई नपढी धेरै व्यक्तिले मलाई नकारात्मक प्रतिकृया दिए ।

    मलाई अपाच्य हुनेखालका अपशब्दहरु प्रयोग गरिए । तर म , सँधै न्याय र सामाजिक हितको पक्षमा उभिने एउटी अवला नारी । मैले आजसम्म कुनै राजनैतिक दलको सदस्यता लिइनँ र कुनै व्यक्तिलाई कुनै एउटा राजनैतिक दलको कार्यकर्ताको रुपमा व्यवहार वा सोही अनुरुपको संंगत गरिन । मलाई मानवियता भन्दा कुनै दल , धर्म वा बर्ग ठुलो छ जस्तो कहिल्यै महुसुस भएन । जतिखेर मैले 'रवी लामिछाने दाई जस्तो असल ब्यक्ती सतिले सरापेको यो देशमा काम छैन र उहाँलाई टुँडिखेलमा लगेर फाँसी दिईनुपर्छ' भन्ने लेख सम्प्रेशण गरेको थिएँ त्यो बेला नेपाली कँग्रेसको सरकार थियो र मलाई त्यसबेला कंग्रेसका झोलेहरुले नेकपा एमाले या माओवादीको दिएका थिए ।

    आज म , रवी दाईलाई चितवनामा भेटेर फर्किरहँदा यतिखेर नेकपा को सरकार छ । अब म ढुक्क छु , मलाई नेकपाका केहि झोले कार्यकर्ताहरुले अब नेपाली काँग्रेस वा राजावादी दलको वात लगाउनेछन । मलाई कहिले काँग्रेस, कहिले एमाले या माओवादीका साथै राजावादी दलको सकृय कार्यकर्ताको वात लाग्नु कुनै नौलो पनि रहेन । यदी 'राम्रो मान्छेलाई हाम्रो मान्छेु' को रुपमा लिंदा कुनै दल वा वर्गको आरोप लाग्छ भने म त्यो आरोपलाई सहर्श स्विकार गर्न तयार रहन्छु ।

    मलाई आरोपका कुनै कुराहरुले फरक पर्ने वाला छैन । म न्यायप्रेमी नारी , म स्वतन्त्रताको पक्षधर । मलाई निस्पक्ष र निस्कपट छानविनको अन्तिम निर्णय मान्य हुनेछ । सालिकराम पुडासैनीकी बिधुवी श्रीमती सम्झना पुडासैनीको उजाड सिउँदो र रवी लामिछाने दाईकि निर्दोश श्रीमती निकिता पौडेलले पनि न्याय पाउनु पर्छ । न्याय नडगमगाओस । जे भएको हो त्यही देखोयोस , जे वितेको हो त्यही लेखिओस । न्यायलय प्रतिको हाम्रो आस्था, विस्वास र भरोसा ओइलाएर नजाओस । मेरो कामना ।

    Shweta Khadka

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast