बिहिवार, असोज २, २०७६
    मुभी-थिएटर

    अब 'भिडियो पसल'बाट रिलिजकै दिन चलचित्र हेर्न सकिने

    बुधबार, ४ भाद्र २०७६, आहाखबर

    काठमाडौँ, ४ भदौ 

    नेपाली फिल्मको विभिन्न बजारहरुमध्ये प्राय नेपालले अंगिकृत गरेको माध्यम भने सामाजिक सञ्जाल युट्युब मात्र हो ।

     पछिल्लो समय आईफ्लिक्स र नेटफ्लिक्स केही मात्रामा प्रयोग भएको देखिन्छ । ओएआर डिजिटलले भने अनलाईनको नयाँ एप्स सार्वजनिक गरेको छ । उक्त एप्सलाई ‘भिडियो पसल’ नाम दिएको छ । ‘भिडियो पसल’ अन्य देशरुमा पनि उपलब्ध छ । नेपाली फिल्म र नेपालीका लागि भने ‘भिडियो पसल’को सम्पूर्ण व्यवस्थापन अधिकार ओएसआर डिजिटलसँग सुरक्षित रहेको जनाईएको छ ।

    ओएसआर डिजिटलले एक विज्ञप्ती जारी गर्दै अन्तर्राष्ट्रिय बजारमा संचालन भईरहेको ‘भिडियो पसल’ एप्स नेपालमा संचालनमा आएको जनाएको हो । प्रबन्ध निर्देशक ओम अग्रवाल हस्ताक्षरित विज्ञप्तीमा ‘भिडियो पसल’ नेपाली फिल्म क्षेत्रको संरक्षण तथा प्रवद्र्धनका साथै बजारको दायरालाई फराकिलो बनाउन संचालनमा ल्याईएको बताईएको छ ।

    हलमा रिलिजकै दिन पनि ‘भिडियो पसल’मा फिल्म रिलिज गर्न सकिने योजना रहेको छ । तर, हाललाई रिलिज भईसकेको फिल्मलाई विश्वभरीका दर्शक समक्ष एकै पटम पुराउने लक्ष्यले ‘भिडियो पसल’ संचालनमा ल्याईएको हो । ‘भिडियो पसल’ मा न्युनतम शुल्क तिरेर नयाँ नयाँ फिल्महरु हेर्न पाईनेछ । केही फिल्महरु भने निशुल्क हेर्ने व्यवस्था पनि गरिएको छ ।

    मोबाईल एप्सबाट विश्वको कुनै पनि कुनाबाट यो एप्स प्रयोग गरि नेपाली फिल्म हेर्न सकिनेछ । निर्माताहरुको लागि यो नयाँ बजार हुन सक्ने अनुमान छ । यसबाट प्राप्त शेयर भन्ने निर्माण कम्पनी र निर्माता बीच आपसि सहमतिमा हुने ओएसआरका प्रतिनिधी रुपेन्द्र खड्गीले बताएका छन् ।

    ‘भिडियो पसल’बाट फिल्म कपि हुने, डाउनलोड हुने र लिक हुनसक्ने संभाव्यता शुन्य भएको ओएसआर डिजिटलले जनाएको छ ।

         

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast