बिहिवार, असोज २, २०७६
    राज्य-समाज

    रवि लामिछानेको समर्थनमा माइतीघरमा प्रदर्शन, एसपी मल्ललाई वर्खास्त गर्न माग

    शनिबार, ३२ श्रावन २०७६, आहाखबर
    (फाईल तस्बिर)

    काठमाडौँ, ३२ साउन 

    पत्रकार रवि लामिछानेलाई अनुसन्धानका नाममा फसाउन खोजिएको भन्दै उनका समर्थकहरुले काठमाडौँको माइतीघर मण्डलामा प्रदर्शन गरेका छन् ।

    प्रदर्शनकारीले चितवनका एसपी दानबहादुर मल्लको बर्खास्तीको माग गरेका छन् । उनीहरुले एसपी मल्लले आफुलाई प्राप्त भिडियोमाथि अनुसन्धान गर्नुको सट्टा मिडियालाई दिएर गलत गरेको भन्दै उनको बर्खास्तीको माग गरेका हुन् ।

    चितवनमा पनि आज बिहानैदेखि प्रदर्शन शुरु भएको थियो। प्रदर्शनकारीले प्रहरीको भ्यान तोडफोड गरेपछि झडप समेत भएको थियो। लामिछानेका समर्थक र प्रहरीबीच शुक्रबार पनि झडप भएको थियो।

    पत्रकार शालिकराम पुडासैनीको मृत्युको विषयमा अनुसन्धान गर्न प्रहरीले लामिछानेसहित युवराज कँडेल र आस्मिता कार्कीलाई पक्राउ गरेको थियो । 

    उनीहरुमाथि थप अनुसन्धान गर्न जिल्ला अदालतले पाँच दिनको म्याद दिएको छ ।

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast