किन दिएन अमेरिकाले सन्दीप लामिछानेलाई भिसा ?

काठमाडौँ, २८ साउन । 

क्यारेबियन प्रिमियर लिग २०१९ खेल्न अमेरिका जानका लागि नेपाली युवा क्रिकेटर सन्दीप लामिछानेले अमेरिकी दूतावासमा भिसा अप्लाई गरेका थिए ।

तर अमेरिकाले भिसा दिन अस्वीकार गरेको छ । 

भिसा अस्वीकृत भएपछि आफू अचम्ममा परेको सन्दीपले ट्विटरमार्फत जानकारी दिएका छन् । आवश्यक सबै कागजातहरु पेश गर्दा पनि भिसा अस्वीकृत भएको उनले उल्लेख गरेका छन् ।

भिसा स्वीकृत नभएपछि सिपिएल खेल्न जान आफूलाई गाह्रो भएको सन्दीपले बताएका हुन् ।