सोमबार, भाद्र २, २०७६
    शेयर बजार

    एनएमबि क्यापिटल र एनआईसी एशियाले गरे मासिक विवरण सार्वजनिक, कसको मूल्य कति बढ्यो?

    मंगलवार, १४ श्रावन २०७६, आहाखबर

    काठमाडौं, १४ साउन ।

    एनएमबि क्यापिटल र एनआईसी एशियाले मासिक विवरण सार्वजनिक गरेका छन्। नेपाल स्टक एक्सचेन्ज 'नेप्से'मा सूचीकृत यी दुई सामूहिक योजनाले मासिक विवरण सार्वजनिक गरेका हुन्।

    नएमबि क्यापिटलले संचालनमा ल्याएको 'एनएमबि हाइब्रिड फण्ड एल-१ु र एनआईसी एशिया क्यापिटलले संचालन गरिरहेको 'एनआइसी एसिया ग्रोथ फन्ड' को मासिक विवरण सार्वजनिक भएको हो।सार्वजनिक भएको विवरणमा 'एनआइसी एशिया ग्रोथ फन्डु'ले प्रति इकाई खुद सम्पत्ति मूल्य(न्याभ) थोरै बढाएको छ भने 'एनएमबि हाइब्रिड फन्ड एल-१' मा कै परिवर्तन देखिएको छैन।

    एनआईसी एशिया ग्रोथ फण्डुको प्रति इकाई खुद सम्पत्ति मूल्य ११ रुपैयाँ १८ पैसा पुगेको छ। गत महिनाभन्दा फण्डले तीन पैसा मूल्य बढाएको हो। उसले दोस्रो बजार सूचीकृत ६२ कम्पनीमा लगानी गरेको जनाएको छ। फण्डको शेयरमा ५० करोड ४८ लाख रुपैयाँ  लगानी रहेको छ। उसले मुद्धति निक्षेपमा आठ करोड ३५ लाख राखेको छ भने बैंक मौजाद २९ करोड ८५ ला रुपैयाँ रहेको विवरणमा उल्लेख छ। यस अघि नै उसले १० प्रतिशत नगद लाभांश घोषणा गरिसकेको छ।

    'एनएमबि हाइब्रिड फन्ड एल-१'को प्रति इकाई खुद सम्पत्तिको मूल्यमा कुनै परिवर्तन भएको छैन। फण्डको मूल्य ११ रुपैयाँ १ पैसामै स्थिर देखिएको छ। उसले दोस्रो बजारमा सूचीकृत ४७ कम्पनीमा लगानी गरेको छ।

    उसले २८ करोड ८६ लाख रुपैयाँ बराबरको लगानी गरेको विवरणमा देखाएको छ। उसको बैंक मौज्दात ५५ करोड तीन लाख रहेको छ। केही दिन अघि मात्रै उसले करसहित १० प्रतिशत लाभांश घोषणा गरिसकेको छ।  

     

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast