मंगलवार, असोज ७, २०७६
    खेल संसार

    जोफ्रा आर्चरले निकै ठूलो मानसिक पीडामा विश्वकप खेलेको खुलाशा

    बिहिवार, २ श्रावन २०७६, आहाखबर

    काठमाडौँ, २ साउन 

    आइसीसी क्रिकेट विश्वकप २०१९ मा इङ्गल्याण्डलाई विश्वकप जिताउन जोफ्रा आर्चरको महत्वपूर्ण भूमिका रह्यो । 

    आर्चरले आफ्नो ‘फास्ट बलिङ’ को दममा ११ म्याचमा २० विकेट हाँसिल गरे । उनी इङ्गल्याण्डका सबैभन्दा सफल बलर प्रमाणित भए । यद्यपि, इङ्गल्याण्डको च्याम्पियन बनेपछि उनीबारे केही कुरा खुलासा भएको छ ।

    विश्वकपको पहिलो म्याचको भोलिपल्ट जोफ्रा आर्चरका काकाको छोराको बारबाडोसमा हत्या भएको खुलासा भएको छ । आफ्ना काकाको छोराका हत्याले आर्चरलाई अत्यन्तै दुःखी तुल्याएको थियो । 

    यस्तो अवस्थामा पनि उनले विश्वकप खेले र आफ्नो उत्कृष्ट प्रदर्शन देखाए । यी फास्ट बलर विश्वकपको पूरा अवधिभर घाउसहित खेलिरहेको पनि खुलासा भएको छ । डेलीमेलको खबर अनुसार आर्चरलाई साइड इन्जरी थियो र उनी इन्जेक्सन लगाएर खेल खेलिरहेका थिए ।

    जोफ्रा आर्चरलाई विश्वकप समाप्त हुनेबित्तिकै एक हप्ताको छुट्टी दिइएको छ र उनी अब बारबाडोसमा छन् । यो छुट्टीका कारण अब आर्चर आयरल्याण्डविरुद्ध सिंगल टेस्ट म्याच खेल्न पाउने छैनन् । 

    हुन त उनले अर्को महिनादेखि एशेज टेस्ट सिरिजमा खेल्ने पक्का छ । अष्ट्रेलियाविरुद्ध आर्चर आफ्नो टेस्ट डेब्यू गर्नसक्छन् ।

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast