शनिबार, मंसिर २१, २०७६
    यातायात

    अविरल वर्षाका कारण रारा विमानस्थलमा हवाईसेवा अवरुद्ध

    शनिबार, २८ आषाढ २०७६, आहाखबर
    (फाईल तस्बिर)

    रारा, २८ असार 

    तीन दिनदेखि परेको पानीका कारण मुगुको छायाँनाथ रारा नगरपालिका–४ स्थित रारा विमानस्थलमा हवाईसेवा अवरुद्ध भएको छ । हवाईसेवा अवरुद्ध हुँदा यात्रुले सास्ती भोग्नुपरेको छ । 

    नेपालगञ्जदेखि रारा विमानस्थलका लागि निजी विमान कम्पनीका जहाजले उडान भर्न सकेका छैनन् । उडान भर्न नसक्दा नेपालगञ्जदेखि रारा तथा रारादेखि नेपालगञ्ज जाने यात्रु अलपत्र परेका छन् । उनीहरु तीन दिनदेखि दिनभर विमानस्थलमै बस्ने गरेका छन् । नेपालगञ्जदेखि मुगुका लागि तारा, सीता र गोमा एयरलाइन्सले दैनिक दुईदेखि तीन पटकसम्म उडान भर्ने गरेका थिए । 

    उडान हुन नसकेपछि यात्रु तीन दिनदेखि ताल्चास्थित  होटलमा बास बस्न बाध्य छन् । मौसममा सुधार नआउँदासम्म हवाईसेवा सञ्चालनमा आउन नसक्ने रारा विमानस्थलस्थित सीता एयरलाइन्सका स्टेशन इञ्चार्ज शिवराज भामले बताउनुभयो । यात्रु मौसम सुधारको पर्खाइमा छन् । 

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast