मंगलवार, कार्तिक ५, २०७६
    राज्य-समाज

    प्रहरीको गोलीबाट मारिएका सरोजनारायणका परिवारलाई १० लाख दिइने

    बिहिवार, २६ आषाढ २०७६, आहाखबर

    काठमाडौं, २६ असार ।

    सरकारले प्रहरीको गोली लागेर मारिएका सर्लाहीका सरोजनारायण सिंहको परिवारलाई १० लाख सहायाेग रकम दिने भएकाे छ । सरकारका प्रवक्ता एवम् संचार तथा सूचना प्रविधिमन्त्री गोकुल बास्कोटाले सिंहको परिवारलाई राहतस्वरुप १० लाख आर्थिक सहायता उपलब्ध गराउने निर्णय गरिएको जानकारी दिए। 

    सोमबार बसेकको मन्त्रिपरिषदको निर्णयबारे सार्वजनिक गर्न आयोजित पत्रकार सम्मेलनमा बोल्दै उनले त्यस घटनामा घाइते भएकाहरुको उपचारको पनि व्यवस्था पनि सरकारले गर्ने बताए। अघिल्लो शनिवार दिउँसो सर्लाही र महोत्तरीको सीमा बाँके खोलामा बालुवा गिट्टी निकाल्न क्रसर उद्योगले खनेको खाल्डोमा जमेको पानीमा डुबेर १२ वर्षीय बालक अमित रायको मृत्यु भएको थियो ।

    रायको मृत्यु भएपछि आक्रोशित बनेका स्थानीयले अघिल्लो आइतवार सर्लाहीको बाँके जंगलस्थित पूर्व(पश्चिम राजमार्ग अवरुद्ध गर्न गएका थिए । अवरुद्ध राजमार्ग खोलाउने क्रममा प्रहरी र प्रदर्शनकारीबीच झडप हुँदा प्रहरीको गोली लागेर सरोजनारायण सिंहको मृत्यु भएको थियो । 

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast