सोमबार, कार्तिक ४, २०७६
    ओएमजी Omg!

    न्यूजिल्याण्डले धोनीको विकेट लिएपछि हर्ट अट्याकका कारण उनका ‘क्रेजी फ्यान’काे मृत्यु

    बिहिवार, २६ आषाढ २०७६, आहाखबर

    राँची, २६ असार । 

    इंग्ल्यान्डमा जारी क्रिकेट विश्वकपमा सेमीफाइनलमा भएको खेलमा भारत न्युजिल्याण्डसँग पराजित भएपछि हर्ट अट्याकका कारण समर्थकको निधन भएकाे छ । भारत झारखण्डमा जहाँ भारतीय क्रिकेटर महेन्द्र सिंह धोनीका यस्तै ‘क्रेजी फ्यान’ को हृदयघातका कारण बुधबार ज्यान गएको हाे ।

    झारखण्ड किशनगञ्ज निवासी धोनीका ठूला फ्यान अशोक पासवानलाई हृदयघात भएको हो । न्युजिल्याण्डले धाेनीकाे विकेट लिएपछि उनलाई अचानक हृदयघात भएको थियो । क्रिकेटमा यस्तो पागलपनका कारण उनको ज्यान गएपछि उनको परिवार आश्चर्यमा परेको र शोकमा डुबेको भारतीय सञ्चारमाध्यमले जनाएका छन् । 

    भारतीय समाजमा क्रिकेट खेललाई धर्मकै दर्जा दिइन्छ भने खेलाडीलाई जीवित भगवान्का रुपमा लिने गर्छन् ।बुधबार सम्पन्न आईसीसी विश्वकप क्रिकेटको सेमिफाइनलमा न्यूजिल्याण्डसँग भारत पराजित भएपछि क्रिकेटका यस्ता ‘क्रेजी फ्यान’ ले विभिन्न हर्कत गरेको समाचार सार्वजनिक भएका छन् ।

    स्थानीय अस्पतालमा कार्यरत उनी आफ्नो काम सकेर घर फर्केर टेलिभिजनमा भारत र न्यूजिल्याण्डको खेल हेर्न बसेका थिए । खेलमा भारतको अवस्था निकै कमजोर थियो । तैपनि भारतका पूर्वकप्तान धोनी र रविन्द्र जडेजाले भारतको पारीलाई सम्हाल्ने प्रयास गरिरहेका थिए । यसैक्रममा ४८ ओभरको तेश्रो बलमा उनी रन आउन हुन पुगे त्यसपछि पासवानले त्यो पीडा थाम्न नसकेपछि एक्कासी हृदयघातको शिकार बन्न पुगे । त्यसको केही समयपछि उनको निधन भएको थियो ।

    धोनीको विकेट गएपछि भारतले खेल सम्हाल्न सकेन र अन्त्यमा १८ रनले पराजित हुँदै उपाधि होडबाट बाहिरियो।यसअघि भारतको हारपछि फ्यानहरुले टेलिभिजन फुटाएको तथा खेलाडीको घरमा गएर हुलदंगा गरेको घटना सार्वजनिक हुने गरेको थियो ।

     

     

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast