आईतवार, श्रावन ५, २०७६
    राज्य-समाज

    हिलोमाथि रातो कार्पेटमा प्रधानमन्त्री, बाबुराम भट्टराईले भने-देश कसरी उभाे लाग्ला ?

    बुधबार, २५ आषाढ २०७६, आहाखबर

    काठमाडौं, २५ असार ।

    प्रधानमन्त्री केपी शर्मा ओली हिलाेमाथि राताे कार्पेटमा हिडेपछि सर्वत्र विराेध भएकाे छ । त्रिभुवन विश्वविद्यालयको ६०औँ वार्षिक उत्सवको उद्घाटन कार्यक्रममा जानेक्रममा उनी हिलोमाथि बिछ्याइएको रातो कार्पेटमा हिँडेका थिए ।

    हिलाेमाथि राताे कार्पेटमा हिँडेकाे प्रधानमन्त्रीकाे उक्त तस्विर अहिले सामाजिक सञ्जालमा भाइरल बनेकाे छ । उकत दृष्यले सामाजिक सञ्जालमा चर्चा पाएको छ । यसका साथै उक्त तस्वीर प्रति मानिसहरुले आलोचना पनि व्यक्त गरेका छन् ।

    प्रधानमन्त्री ओली हिलोमाथि बिछ्याइएको रातो कार्पेटमा हिँडेपछि समाजवादी पार्टीका अध्यक्ष एवं पूर्वप्रधानमन्त्री बाबुराम भट्टराईले चर्को आलोचना गरेका छन् । उनले ट्वीट गर्दै देशको प्रमुख ज्ञान उत्पादन केन्द्र त्रिविको यस्तो हविगत छोप्न रातो कार्पेट बिछ्याउने प्राज्ञहरु र धकै नमानी हिँड्ने प्रधानमन्त्रीबाट देश बन्ने अपेक्षा गर्न नसकिने बताएका छन् । भट्टराईले मन्दिर बनाउने पैसाले हिलाम्य बाटो पिच गर्न सकिन्थ्यो भन्दै उल्टो बुद्धि हुनेले कसरी पढाउँलान् भनि प्रश्न गरेका छन् ।

    उनले ट्वीटमा लेखेका छन्, ‘देशको प्रमुख ज्ञान उत्पादन केन्द्र त्रिवि को यस्तो हविगत छोप्न रातो कार्पेट विछ्याउने प्राज्ञहरू, त्यसमाथि धकै नमानी हिंड्ने प्रधानमन्त्री भए पछि देश कसरी उँभो लाग्ला रु विश्वविद्यालय भित्र मन्दिर बनाउने पैसाले यो हिलाम्मे बाटो पिच गर्न सकिन्नथ्योरु यस्तो उल्टो बुद्धि हुनेले के पढाउलान् ?’

    बुधबार त्रिविले आफ्नो ६० औँ वार्षिक उत्सव एक विशेष कार्यक्रम आयोजना गरी मनाएको छ । उक्त कार्यक्रममा विश्वविद्यालयका कुलपति एवं प्रधानमन्त्री ओलीका साथै सह-कुलपति तथा शिक्षामन्त्री गिरिराजमणि पोखरेललगायतको उपस्थिति थियो । वार्षिक उत्सवकै अवसरमा नवनिर्मित उपकुलपति कार्यालयको भवन र भवन परिसर नजिकै निर्माण गरिएको मन्दिर उद्घाटन गर्ने कार्यक्रम पनि थियो ।

     

     

     

    तपाईको समाचार, लेख /रचना वा सुझाव भएमा aahakhabar@gmail.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast