आईतवार, श्रावन ५, २०७६
    खेल संसार

    सिंगापुरलाई २ सय १७ रनले हराउँदै नेपाल विजयी

    शुक्रबार, २० आषाढ २०७६, आहाखबर

    काठमाडाैं, २० असार ।

    मलेसियामा जारी एसीसी यू-१९ इस्टर्न रिजन क्रिकेट अन्तर्गत समूह चरणको अन्तिम खेलमा नेपालले सिंगापुरलाई २१७ सय रनको फराकिलो अन्तरले पराजित गरेकाे छ ।

    ओपनर रित गौतमको शतक र कुशल मल्लको उत्कृष्ट अलराउण्डर प्रर्दशनसँगै नेपाल सिंगापुरलाई २ सय १७ रनको फराकिलो अन्तरले पराजित गर्दै प्रतियाेगिताकाे सेमिफाइनलमा प्रवेश गरेकाे हाे ।

    फराकिलो जितसँगै नेपाल समुह ए को विजेता बनेको छ । नेपालले अब आगमी सोमबार समुह बी को उप विजेतासँग सेमिफाइनल खेल्ने छ । ३ सय २७ रनको विशाल लक्ष्य पक्ष्याएको सिंगापुर ३९.१ ओभरमा अल आउट हुँदै १ सय ९ रनमा समेटियो । सिंगापुरको लागि हरि कुकरेजाले सर्वाधिक ३० रनको योगदान दिए ।

    ३७ औं ओभरको अन्तिम बलमा कुशल मल्लले एलवी डब्लू आउट गर्नुअघि हरिले ६३ बलमा २ चौका प्रहार गरे। एक समय १९.३ ओभरमा ५०-६ को कमजोर अवस्थामा पुगेको सिंगापुरलाई साँतौ विकेटका लागि हरिले चन्द्रमौली श्रीदेवसँग ५२ रनको साझेदारी गर्दै हारको अन्तर घटाएका थिए । श्रीदेवले ५६ बलमा ३ चौका सहित २३ रनको योगदान दिए । अम्पायरले बल गन्तीमा गल्ति गरेपछि कुशलले ३७ औं ओभरमा सातौं बल समेत गर्दै लगातार विकेट लिएका थिए ।

    नेपाललाई फराकिलो जित दिलाउन कुशल मल्लले ९ ओभरमा १ मेडन १४ रन खर्चेर ४विकेट हात पारे । त्यस्तै तिलक भण्डारीले २ ,राशिद खान र सागर ढकालले समान १ विकेट हात पारे ।

    ओपनर कन्नुसमी सतीशले २४को योगदान दिए । सागर ढकालले १५ ओभरको पाँचौ बलमा कप्तान रोहित कुमार पौडेलबाट क्याच गराउनु अघि उनले ५५ बलमा ३ चौका प्रहार गरे । अर्का ओपनर शाईं हर्ष भेनुगोपाललाई राशिद खानले १ रनमा क्याच आउट गराए । भिनित मेहतालाई १६ ओभरको चौथो बलमा कुशल मल्लले ५ रनमा एलबी डब्लू आउट गरे । प्रमेश सिंहहाबी ३ रनमा आउट भए । सिंगापुरका ब्याट्सम्यानले ८ दोहोरो अंकमा रन छुन सकेनन् ।

    नेपाललाई फराकिलो जित दिलाउन कुशल मल्लले ९ ओभरमा १ मेडन १४ रन खर्चेर ४विकेट हात पारे । त्यस्तै तिलक भण्डारीले २ ,राशिद खान र सागर ढकालले समान १ विकेट हात पारे ।

    त्यसअघि शुक्रबार किनारारा ओभल क्रिकेट मैदानमा टस जितेर पहिला ब्याटिङ गर्ने निर्णय लिएको नेपालले निर्धारित ५० ओभरमा ४ विकेटको क्षतिमा ३ सय २६ रन बनायो । नेपालका लागि ओपनर रित गौतम १ सय ३७ बलमा १० चौका र १ छक्का सहित १ सय १५ रनमा अविजित रहे । रितले १ सय ३१ बलमा शतक पुरा गरेका थिए ।

    तल्लोक्रममा कुशल मल्लले विश्फोटक ब्याटिङ गर्दै मात्रै २३ बलमा ४ चौका र ५ छक्का प्रहार गर्दै ५१ रनमा अविजित रहेपछि नेपालले विशाल योगफल तयार पार्न सफल भएको हो । कुशलले अन्तिम ओभरमा ४ चौका र १ छक्का सहित २२ रन बटुलेका थिए ।

    ४० ओभरको पहिलो बलमा प्रनव सुदर्शन राजेश कृष्णनले एलबी डब्लू आउट गर्नु अघि खडकले ९० बलमा १२ चौका प्रहार गरे । दोस्रो विकेटका लागि खडक र रित गौतमले १ सय ३१ रनको उत्कृष्ट शतकीय साझेदारी गरेपछि नेपाल बलियो योगफलमा पुगेको थियो ।

    त्यसअघि १५ औं ओभरको चौथो बलमा ओपनर पवन सरार्फ आउट भएसँगै तेस्रो नम्बरमा ब्याटिङ गर्न आएका खडक बहादुर बोहराले उत्कृष्ट ९० रनको महत्वपूर्ण योगदान दिए । ४० ओभरको पहिलो बलमा प्रनव सुदर्शन राजेश कृष्णनले एलबी डब्लू आउट गर्नु अघि खडकले ९० बलमा १२ चौका प्रहार गरे । दोस्रो विकेटका लागि खडक र रित गौतमले १ सय ३१ रनको उत्कृष्ट शतकीय साझेदारी गरेपछि नेपाल बलियो योगफलमा पुगेको थियो ।

    नेपालका लागि ओपनर पवन सरार्फ ४५ रनमा आउट भए । १५ औं ओभरको चौथो बलमा भिनित चितेश मेहता क्याच गराउँनु अघि पवनले ४१ बलमा १० चौका प्रहार गरे । पवन र रितले पहिलो विकेटका लागि ९२ रनको साझेदारी गर्दै राम्रो सुरुवात दिलाएका थिए । कप्तान रोहित कुमार पौडेल भने ७ रनमा क्याच आउट हुन पुगे ।डेब्यू गरेका विशाल बिक्रम केसी भने १ रनमा बोल्ड आउट भए । सिंगापुरका लागि प्रनव सुदर्शन राजेश कृष्णन र भिनित चितेश मेहताले समान २ विकेट हात पारे ।

    तपाईको समाचार, लेख /रचना वा सुझाव भएमा aahakhabar@gmail.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast