आईतवार, भाद्र ८, २०७६
    साहित्य

    गर्मी - 'गजल'

    मंगलवार, १७ आषाढ २०७६, आहाखबर
    रविको प्रचण्ड रापले, पग्लिदै छ हिम यहाँ 
    यस्तो लाग्छ , जल्दै छ स्वयम् ज्वालाको चिम यहाँ ।
     
    थेग्नै नसक्ने भिड हुन्थ्यो कुनै बेला चोक तिर
    सब लागे शितलतिर , हुनै छोड्यो हिमचिम यहाँ ।
     
    अफसोच , शितल वृक्ष, नदीनाला सखाप हुँदा
    स्वीमिङ पुल , ए.सी. हल हुन थाले बुकिङ अग्रीम यहाँ ।
     
    प्रकृतिमय शितलता भैगयो केवल मृगतृष्णा
    मान्छेले खप्नुपर्छ अनिकालको रिमझिम यहाँ ।
     
    एउटा असारे किसान , छाला पोल्दै खेतमा
    सोचि बस्छ , कैले पर्छ वृष्टिको सिमसिम यहाँ ?
                                               
                                                 - पुष्प राज ओझा
                                                 गो.न.पा.-१, अत्तरिया , कैलाली
                                                 इमेफ : puspaojha18@gmail.com
    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast