मंगलवार, श्रावन ७, २०७६
    लाइफस्टाइल

    गर्मीले मानिसहरुको सोच्ने क्षमतामा १३ प्रतिशतले कमि

    सोमबार, १६ आषाढ २०७६, आहाखबर

    काठमाडौँ, १६ असार

    गर्मी मौसममा बालकदेखि वृद्धसम्मलाई विभिन्न स्वास्थ्य समस्या निम्तिने गर्छ । गर्मीले स्वास्थ्यलाई मात्र नभई मानिसहरुको दिमागलाई पनि असर पुर्‍याउने गर्छ । 

    हार्भर्ड युनिभर्सिटीले ४४ विद्यार्थीमाथि गरेको अनुसन्धानमा गर्मीले मानिसहरुको सोच्ने क्षमतामा १३ प्रतिशतले ह्रास आउने जानकारी दिएको छ ।

    अनुसन्धानका लागि ४४ विद्यार्थीमध्ये आधालाई एयर कन्डिसनर भएको कोठामा राखियो भने आधालाई साधारण कोठामा राखियो । उनीहरुलाई उठ्ने बित्तिकै आफ्नो फोनमा दिमाग लगाउनुपर्ने कार्य गर्न लगाइयो । एयर–कन्डिसनिङमा भएका विद्यार्थीले उक्त कार्य निकै सजिलै गर्न सके भने एयर कन्डिसनिङमा नभएका १३.४ प्रतिशत विद्यार्थीको प्रतिक्रिया निकै खराब रह्यो । संयोग नै भन्नुपर्छ, उनीहरुको सोच्ने क्षमतामा १३.३ प्रतिशतले ह्रास आयो ।

    यो अनुसन्धान सन् २०१६ को गर्मी महिनामा १२ दिनसम्म गरिएको थियो । त्यतिबेला पाँच दिनसम्म तातो हावा चलेको थियो । अचम्मको कुरा के छ भने बाहिर तातो हावा चल्न छोडेको लामो समयपछि मात्र कोठाभित्रको तातो हटेको थियो ।

    धेरैजसो भवन जाडो महिनामा पारिलो घाम कोठाभित्र पसोस् भन्ने उद्देश्यले बनाइएको हुन्छ । त्यसकारण त्यस्ता घरले बाहिरको तातो ४८ घण्टासम्म राखिराख्न सघाउ पुर्‍याउँछ ।

    यस अनुसन्धानले अर्को एउटा के तथ्य फेला पारेको छ भने  यदि तपाईं एयर कन्डिसनिङ किन्ने सामथ्र्य राख्नुहुन्नँ भने तपाईं अफिस र विद्यालयमा पनि पछि पर्नुहुन्छ ।

     

    तपाईको समाचार, लेख /रचना वा सुझाव भएमा aahakhabar@gmail.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast