बिहिवार, कार्तिक २८, २०७६
    स्वास्थ्य

    किन आउँछ बारम्बार अमिलो डकार ? यस्तो छ कारण

    बिहिवार, ५ आषाढ २०७६, आहाखबर

    काठमाडौँ, ५ असार

    खाना खाएपछि मानिसहरुलाई अक्सर डकार आउने गर्दछ ।  डकार लिनाले पेटमा जम्मा भएको हावा बाहिर निस्कने गर्दछ । यस्तो डकार सामान्य हुदाँसम्म हामीलाई खासै समस्या हुँदैन । तर जब पेटबाट अमिलो डकार निस्किएमा भने धेरैलाई तनाव हुने गर्छ । आखिर किन आउँछ अमिलो डकार ?

    अमिलो डकार विभिन्न कारणले आउने गर्छ । जसमध्यको एक खानालाई पनि मानिन्छ । विशेषगरी खाना पच्ने क्रममा शरीरको ग्यासको विकास हुदाँ पनि धेरैलाई अमिलो डकारको समस्या हुने गर्छ । त्यस्तै, प्रोटिनयुक्त आहार तथा मदिराको सेवनका कारण पनि धेरैलाई अमिलो डकारको समस्या हुने गर्दछ ।

    त्यस्तै, कतिपयलाई इरिटेबल बाउल सिन्ड्रोम , पेटको एसिड भोजन नलीमा आएमा तथा पाचन प्रकि्रया सम्बन्धि समस्या भएमा पनि अमिलो डकार आउने गर्दछ ।

     

    धेरै खाना

    आवश्यक्ता भन्दा बढी मात्रामा भोजन गर्नाले पनि धेरैलाई अमिलो डकार आउने गर्दछ । मदिरा, कैफिन तथा चिसो पेय पदार्थ लगायतका कारण पनि अमिलो डकार आउने गर्दछ । त्यसबाहेक, नाकको सट्टा मुखबाट सास लिने तथा खाना खाने समयमा धेरै बोल्ने मानिसमा पनि अमिलो डकार वा अमिलो पानी आउने समस्या हुने गर्दछ ।

     

    मोटोपना

    विभिन्न समस्याका मोटोपना भएका मानिसमा यो समस्या आउने गर्दछ । विशेषगरी, मोटो मानिसहरुमा  बाटुलो शरीरका कारण पेटमा अधिक वल पर्न गर्छ ।जसका कारण पेटको एसिड अन्न नलीमा पुग्ने गर्छ । त्यसबोहक, अनियमित व्यायाम तथा गलत खानपानका कारण पनि यो समस्या हुने गर्छ ।

     

     गर्भावस्था

    गर्भावस्थाका दौरान धेरैलाई अमिलो पानी वा अमिलो डकार आउने समस्या हुने गर्छ । विशेषगरी,  पेटमा रहेको गर्भको आकार बढ्दै गएम पेटमा वल पर्ने गर्छ । र, यस दौरान बन्ने वाला हर्मोन अन्ननलीको मुन्तिरको भागमा पुगेर यसले असर देखाउने गर्दछ । त्यसबाहेsm गर्भावस्थामा हुने रक्तअल्पत्राका कारण सास फुल्ने तथा अत्याधिक थकान महसुस हुने गर्दछ । जसका कारण गर्भवती महिलाहरुले मुखबाट सास लिने गर्दछन् । र, सोही क्रममा हावा पेटमा पसेर अमिलो डकारको समस्या निम्त्याउने गर्दछ ।

    त्यसबाहेक, अन्य कारणहरुले गर्दा पनि अमिलो डकार आउने गर्छ । जुन यस प्रकार छ:

     

    -केही औषधी

    -तनाव

    -भोकै बस्ने

    -अत्याधिक चिन्ता

    -अनियमित व्यायाम

    -आवश्यकता भन्दा बढी मात्रामा खाना

    -छिटो छिटो खाने बानी

    -गलत समयको भोजन

    -खाना र्खा लगत्तै सुत्ने बानी

    -चिल्लो, पिरो खानेकुराको सेवन

    -फुड प्वाइजनिङ्ग

    -मदिराको सेवन

    कसरी बच्ने ?

    -धुमपान नगर्ने

    -छिटो छिटो नखाने

    -सुत्नु केही घण्टा अगाडाी खानाको सेवन

    -डकार आउनु पूर्व  पेटमा हावा निस्कनु

    -पेय पदार्थको सेवन गर्दा पाइपको प्रयोग गर्नु

    -चुइगमको प्रयोग कम गर्ने

    -तारेको वा भुटेको खानेकुरा नखाने

    -प्रशस्त मात्रामा पानीको सेवन गर्ने

    -सक्रिय जीवनशैली अपनाउने

    -सुत्नु ३-४ घण्टा अघिबाट केही नखाने

    अमिलो डकार आएमा हुन सक्ने समस्या ?

    अमिलो डकार आउने समस्या समयमै ठीक नभएमा यी समस्या उत्पन्न हुन सक्दछ ।

    -भोजन नलीमा घाउ भएन नयाँ डिस्यू पलाउने

    -अन्न नलीमा घाउ वा जलन पैदा हुने

    -अन्ननलीमा रक्तश्राव हुने

    -घाँटी तथा आवाजमा समस्या आउने

    -दाँत विग्रने , झर्ने

    -सास लिनमा समस्या

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast