बुधबार, असोज १, २०७६
    बैंक-बीमा

    अब वैदेशिक रोजगारमा जाँदा श्रम स्वीकृति शुल्क बैंकमार्फत तिर्नुपर्ने !

    बुधबार, २९ जेष्ठ २०७६, आहाखबर

    काठमाडौं, २९ जेठ

    सरकारले वैदेशिक रोजगारमा जानेहरुको श्रम स्वीकृति र नविकरण शुल्क बैंकमार्फत नै  तिर्नुपर्ने व्यवस्था गर्न लागेको छ । वैदेशिक रोजगार बोर्डको सचिवालयले मंगलबार एक सुचना प्रकाशित गर्दै सबै बाणिज्य बैंकलाई सेवा सञ्चालनको अनुमतिका लागि आवेदन दिन भनेको छ ।

    आवेदन दिन समय १५ दिनको राखिएको छ । बोर्डका अनुसार हाल सातवटा बाणिज्य बैंकले मात्र अनुमति लिएर काम गर्दैै आएका छन् । सबै बाणिज्य बैंकबाट यो सेवा उपलब्ध गराउन सरकारले बैंकहरुलाई अनुमति लिन भनेको हो । 

    श्रमस्वीकृति मात्र होइन नविकरण शुल्क पनि बैंकमार्फत तिर्नुपर्ने व्यवस्था गर्न लागेको हो । कल्याणकारी कोष व्यवस्थापन समितिको गत जेठ २३ गते बसेको बैंठकले सबै बाणिज्य बैंकमार्फत शुल्क बुझाउन सकिने व्यवस्था गर्ने निर्णय गरेको थियो । सोही बमोजिम अहिले सूचना प्रकाशित गरेको हो । 

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast