बुधबार, असोज १, २०७६
    लाइफस्टाइल

    पश्चिमी वायु सुदुरपश्चिम हुँदै नेपाल छिर्‍यो, फेरि ठूलो हावाहुरी, स्थानीय आतंकित

    बुधबार, २९ जेष्ठ २०७६, आहाखबर

    काठमाडौँ, २९ जेठ । 

    जल तथा मौसम पूर्वानुमान महाशाखाले पश्चिमी वायुको प्रणाली सुदुर पश्चिम नेपालबाट प्रवेश गरेको जानकारी गराएको छ ।  यो प्रणालीले हावाहुरीसहित मेघ गर्जन गराउने र मध्यम खालको वर्षा गराउने सम्भावना रहेको समेत पूर्वानुमान महाशाखाले जनाएको छ । 

    एक हप्ताअघि मात्र भीषण हावाहुरीका कारण ठूलो क्षति पुगेको सुदूरपश्चिम क्षेत्रमा बुधबार बिहानैदेखि वर्षासँगै ठूलो हुरीबतास चलेपछि स्थानीय बासिन्दा आतंकित भएका छन् ।

    कैलाली-कञ्चनपुर लगायतका जिल्लामा बिहानैदेखि मेघ गर्जनसहित वर्षा हुनाका साथै ठूलो हुरीबतास चलेको हो ।

    तर अहिले भने केही मत्थर भएको जल तथा मौसम पूर्वानुमान महाशाखाका मौसमविद्ले बताएका छन् ।

    महाशाखाका अनुसार आज दिउँसो देशका पश्चिमी भूभागहरूमा सामान्य देखि पूर्ण बदली रहने र पूर्वी र मध्य भूभागहरूमा आंसिक देखि सामान्य बदली रहने जनाइएको छ ।  पूर्वी तथा मध्य  भूभागका थोेरै स्थान  र पश्चिमी भूभागका केहि स्थानहरुमा मेघ गर्जन तथा हावाहुरीसहित वर्षाको सम्भावना रहेको जनाइएको छ । 

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast