कार्यकर्तालाई कम्तीमा दुई रुख अनिवार्य रोप्न नेकपाको निर्देशन #आहा खबर# ‘शान्ति कायम गर्न प्रहरी, विद्यालय र समाज सँगसँगै’ #आहा खबर# 'विश्वकै गरिब' राष्ट्रपति ! राष्ट्रपति भवनमा बस्न इन्कार, साधारण जीवनशैली #आहा खबर# एनसेललाई प्राधिकरणले भन्यो - डेटा सेवा महशुल दर घटाऊ #आहा खबर# तत्कालीन पर्यटनमन्त्री अधिकारी सवार होलिकप्टर दुर्घटनाको कारण मौसम खराबी #आहा खबर# बढैयाताल गाउँपालिका माछा उत्पादनको पकेट क्षेत्रका रुपमा चिनिँदै #आहा खबर# खेत रोप्न धानको ‘ब्याड’ तयार भए पनि मल अभाव #आहा खबर# उपराष्ट्रपतिको कार्यालय लैनचौरस्थित ‘ग्रीन हाउस’मा स्थानान्तरण #आहा खबर# नेपालको लिग च्याम्पियन मनाङ मस्र्याङ्दी भारतको चेन्नईयिन एफसीसँग पराजित #आहा खबर# रक्तसञ्चार केन्द्र बर्दिवासको नयाँ भवन सञ्चालन #आहा खबर# महिलालाई बिर्के टोपी बनाउने तालीम #आहा खबर# भारतीय फिल्म उद्योगको 'बादशाह' भनिएका शाहरुख खान 'फ्लप माथि फ्लप' दिँदै ! #आहा खबर# चिया उद्योग बन्द गर्ने उद्यमीको घोषणा, यस्तो छ कारण #आहा खबर# मुटु स्वस्थ राख्न खानुहोस् यस्ता खानेकुरा #आहा खबर# ‘हरेक राजनीतिक दलमा मुस्लिम समुदायको सहभागिता बढ्नुपर्छ’ #आहा खबर#
    पर्यटन समाचार

    ६ सय ५९ जनाले गरे सगरमाथाको सफल आरोहण, ५ सय ९४ पुरुष र ६५ जना महिला

    बुधबार, २९ जेष्ठ २०७६, आहाखबर

    काठमाडौं, २९ जेठ ।

    यस सिजनमा विश्वकै अग्लो सगरमाथामा ६ सय ५९ जना आरोहीले सफल आरोहण गरेका छन् ।

    पर्यटन विभागले दिएको जानकारीअनुसार ५ सय ९४ पुरुष र ६५ जना महिलाले सफल आरोहण गरेका हुन् ।

    त्यस्तै आरोहणको अनुमति लिएर आरोहणमा गएका आरोहीमध्ये ४ विदेशी आरोहीले आरोहण गरेको भन्दै झूटो विवरण विभागमा बुझाएका छन् । 

    यूएईकी खादिजा मोहम्मद अली, भारतका शोभा बनवाला, विकास राना र अंकुशले झुटो विवरण बुझाएको पाइएको जानकारी दिइन् ।

    विभागले आरोहण दलसँग खटाएको सम्पर्क अधिकृत र ट्रेकिङ एजेन्सीसँग बुझ्दा उनीहरुले आरोहण नै नगरेको पाइएपछि उनीहरुले झूटो विवरण पेस गरेको प्रमाणित भएको हो ।

    उनीहरुसँगै पाँच नेपाली गाइडहरुले समेत झूटो विवरण पेस गरेका छन् ।

    उनीहरु काठमाडौंमा रहेको प्रेस्टिज एड्भेन्चर प्राइभेट लिमिटेडको सहयोगमा आरोहणमा गएका थिए । सरकारले आरोहणका लागि खुल्ला गरेको ४ सय १४ हिमालमध्ये यो सिजनका लागि ३० हिमाल आरोहणका लागि आरोहीहरुले अनुमति लिएका थिए । 

    जसमा सगरमाथा आरोहणका लागि अनुमति लिएका विदेशी र नेपाली आरोहीहरुवाट मात्रै ४४ करोड २४ लाख ३७ हजार ८६२ रुपैयाँ रोयल्टी संकलन भएको छ। त्यस्तै ३० हिमाल वाट मात्रै ४९ करोड ५९ लाख ८६ हजार ६२२ रुपैयाँ राजश्व संकलन भएको छ ।

    अनुमति लिएका ३ सय ८१ आरोहीमध्ये २ सय ८१ जनाले मात्रै सफल आरोहण गरेका छन् । त्यस्तै आरोहीसँगै गाइड, भरिया गरी ३ सय ७८ सहयोगीले आरोहण सफल गरेको विभागले जनाएको छ ।

     

    तपाईको समाचार, लेख /रचना वा सुझाव भएमा aahakhabar@gmail.com मा पठाउनुहोला ।

    यसमा तपाईको प्रतिक्रिया (Comment)
      Weather Forecast