बुधबार, असोज १, २०७६
    खेल संसार

    भारतलाई झड्का: शतकधारी धवन चोटग्रस्त, कम्तीमा दुई खेल गुमाउने

    मंगलवार, २८ जेष्ठ २०७६, आहाखबर

    काठमाडौं, २८ जेठ 

    भारतीय ओपनिङ ब्याट्सम्यान शिखर धवनले इंग्ल्यान्डमा जारी विश्वकप क्रिकेटका कम्तीमा दुई खेल गुमाउने भएका छन् ।

    अष्ट्रेलियाविरुद्धको खेलकाक्रममा औंला भाँचिएपछि उनले कम्तीमा दुई खेल गुमाउने भएका हुन् ।

    सो खेलमा धवनले ११७ रन बनाएका थिए ।

    चोट लागेपछि उनी फिल्डिङ गर्नसमेत मैदानमा आएका थिएनन् ।

    भारतीय क्रिकेट बोर्ड (बीसीसीआई)काअनुसार धवनले बिहीबार हुने न्यूजिल्यान्डविरुद्ध र असार १ गते हुने पाकिस्तानविरुद्धको अहं खेल खेल्न पाउने छैनन् ।

    धवनको स्थान ऋषभ पन्त वा अम्बाती रायडूले लिनसक्ने बताइएपनि बीबीसीआईले निर्णय गरेको छैन । श्रेयस अथ्यरको नाम पनि आइरहेको छ ।

    भारतले अहिलेसम्म खेलेका दुवै खेल जितेको छ । दुवै खेलमा ओपनिङ जोडीले शतक बनाएको थियो । पहिलो खेलमा दक्षिण अफ्रिकालाई हराउँदा रोहित शर्माले १२२ रन बनाएका थिए ।

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast