सोमबार, मंसिर २, २०७६
    राज्य-समाज

    ‘थारु समुदायको अधिकारका लागि सङ्घर्ष’

    सोमबार, २७ जेष्ठ २०७६, आहाखबर

    धनुषा, २७ जेठ 

    प्रदेश नं २ का मुख्यमन्त्री लालबाबु राउतले सदियौँदेखि विभेदमा परेको थारु समुदायलाई अधिकारप्राप्तिका लागि सङ्घर्ष गर्नुको विकल्प नरहेको बताउनुभएको छ । 

    थारु आयोगले आज जनकपुरमा आयोजना गरेको छलफल तथा अन्तक्र्रिया कार्यक्रममा उहाँले मुलुक सङ्घीय गणतन्त्रमा गए पनि कार्यान्वयन पक्ष इमान्दार नभएकाले सङ्घर्ष अपरिहार्य रहेको उल्लेख गर्नुभयो । 

    सङ्घर्ष नगरेसम्म कुनै समुदायले अधिकार प्राप्त गर्न नसकेको इतिहास रहेको जिकिर गर्नुहुँदै मुख्यमन्त्री राउतले आफ्नो भविष्य परिवर्तनका लागि थारुमा लड्ने साहस जुटाउन आग्रह गर्नुभयो । 

    उहाँले आयोग गठनमा समेत विभेद भएको उल्लेख गर्दै महिला आयोग र दलित आयोग जतिको अधिकार थारु, मधेशी र मुश्लिम जस्ता आयोगलाई नदिइएको बताउनुभयो । 

    आयोग गठन हुँदैमा थारु समुदायको भविष्य परिवर्तन नहुने भन्दै उहाँले आयोगलाई बल पु¥याउनसमेत थारु समुदायलाई सङ्घर्ष गर्नुपर्ने आवश्यकता रहेको उल्लेख गर्नुभयो । 

    मुख्यमन्त्री राउतले प्रदेश नं २ सरकारले सबै जातजातिलाई समान दृष्टिले हेर्ने प्रयत्न गरिरहेकाले सबै निकायमा जनसङ्ख्याका आधारमा प्रतिनिधित्वको सुनिश्चितता गरिरहेको बताउनुभयो । 

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast