मंगलवार, भाद्र ३१, २०७६
    खेल संसार

    नेपाल र चाइनिज ताइपेको खेल बराबरीमा टुङ्गियो, नेपालद्वारा सुधारिएको प्रदर्शन

    बिहिवार, २३ जेष्ठ २०७६, आहाखबर

    काठमाडौं, २३ जेठ

    नेपालले अन्तर्राष्ट्रिय मैत्रीपूर्ण फुटबलमा चाइनिज ताइपेसँग १-१ गोलको बराबरी खेलेको छ ।

    नेपालले चाइनिज ताइपेसँग १-१ गोलको बराबरी खेलको हो । नेपालका लागि अभिषेक रिजालले गोल गरे । खेलको पहिलो हाफमा नेपालले निकै दबाबमा खेलेको थियो । पहिलो हाफमा चाइनिज ताइपेले गोल गर्दै १-० गोलको अग्रता बनाएको थियो । गोलकिपर किरण चेम्जोङको गल्तिको कारण नेपालले गोल खान पुगेको थियो ।

    तर दोस्रो हाफमा नेपालले सुधारिएको प्रदर्शन गर्‍यो । एकपछि अर्को गोल गर्ने सिर्जना गरेको नेपालले खेलको ६९औं मिनेटमा गोल हान्यो । सन्तोष तामाङले प्रहार गरेको पि्रकिकमा अभिषेकले हेडर गोल गर्दै नेपाललाई १-१ गोलको बराबरी दिलाएका थिए ।

    युवा खेलाडी अभिषेक आजको खेलमा पहिलो रोजाइमा परेका थिए । मलेसियाविरुद्ध डेब्यु गरेका अभिषेक राष्ट्रिय टिममा परेको दोस्रो खेलमा नै गोल गर्न सफल भएका हुन् ।

    यसअघि नेपालले मलेसियासँग उसैको भूमिमा खेलेको मैत्रीपूर्ण खेलमा २-० गोलअन्तरले पराजित भएको थियो ।

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast