सोमबार, असोज ६, २०७६
    खेल संसार

    फिफा अध्यक्षमा फेरी जियानी ! एन्फा पदाधिकारीले लगाइदिए नेपाली टोपी

    बुधबार, २२ जेष्ठ २०७६, आहाखबर

    काठमाडौँ, २२ जेठ

    विश्व फुटबलको सर्वोच्च निकाय फिफाको अध्यक्षमा पुनः गियनी इन्फान्टिनो निर्वाचित भएका छन्।

    पेरिसमा बुधबार भएको फिफाको साधारणसभाले ४९ वर्षिया इटालीका इन्फान्टिनोलाई २०२३ सम्मका लागि दोस्रो कार्यकाल फिफाको अध्यक्षमा चुनेको हो।

    २०१६ मा पहिलो पटक निर्वाचित भएका उनले २०२६ मा हुने विश्वकपमा सहभागी हुने टोलीको संख्या ३२ बाट ४८ पुर्याएका थिए। २०२६ को विश्वकप अमेरिका, क्यानडा र मेक्सिकोमा हुँदैछ।

    कतारमा २०२२ मा हुने अर्को विश्वकपमा नै सहभागी टोलीको संख्या बढाउँने इन्फान्टिनोको योजना थियो तर गत महिना बसेको फिफाको बैठकले उक्त योजना पारित गरेन्।

    फिफा कंग्रेसमा नेपालका तर्फबाट एन्फा अध्यक्ष कर्माछिरिङ शेर्पा, वरिष्ठ उपाध्यक्ष पंकजविक्रम नेम्बाङ र उपाध्यक्ष वीरबहादुर खड्काले सहभागिता जनाएका थिए।

    इन्फान्टिनो पुनः अध्यक्षमा चुनिएपछि एन्फा प्रतिनिधिहरुले उनलाई नेपाली ढाका टोपी लगाउँदै सम्मान गरेका थिए।

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast