शनिबार, श्रावन ४, २०७६
    खेल संसार

    बलियो प्रतिद्वन्द्वी दक्षिण अफ्रिकालाई बंगलादेशले हरायो

    सोमबार, २० जेष्ठ २०७६, आहाखबर

    काठमाडौँ, २० जेठ । 
    विश्व कप क्रिकेट अन्तर्गत बंगलादेशले बलियो प्रतिद्वन्द्वी दक्षिण अफ्रिकालाई २१ रनले पराजित गरेको छ। बंगलादेशले पहिले ब्याटिङ गर्दै दिएको ३३१ को लक्ष्यको पच्छाएको दक्षिण अफ्रिकी  ५० ओभरमा ८ विकेट गुमाउँदै ३०९ रनमा सीमित भयो । 

    दक्षिण अफ्रिकाविरूद्ध बंगलादेशले विश्व कप इतिहासमा निकालेको यो दोस्रो जित हो। यसअघि बंगलादेशले सन् २००७ मा जित दर्ता गराएको थियो। त्यसबेला बंगलादेशले दक्षिण अफ्रिकालाई ६७ रनले पराजित गरेको थियो । 

    आईसीसी वरीयतामा दक्षिण अफ्रिका तेस्रो स्थानमा छ भने बंगलादेश सातौँ स्थानमा छ । बंगलादेश यस प्रतियोगितामा जित निकाल्ने पहिलो एसियाली टिम बनेको छ । यसअघि पाकिस्तान, श्रीलंका र अफगानिस्तानले हारको सामना गर्नुपरेको थियो। 

    बंगलादेशले तेस्रो पटक खेल जितेको हो। यसभ्दा पहिले सन् २००७ मा भारत र २०१५ मा अफगानिस्तानलाई हराएको थियो। शाकिब/रहिमको अर्धशतक, मुस्तफिजुरले लिए तीन विकेट लिए। दक्षिण अफ्रिकाले टस जितेर पहिले बलिङमा जाने निर्णय गरेको थियो।

    त्यसपछि बंगलादेशले ५० ओभरमा ६ विकेट गुमाउँदै ३३० रनको स्कोर खडा गर्यो । उसका लागि मुशफिकुर रहिमफले ७८ र शकिब अल हसनले ७५ रन बनाए।  दक्षिण अफ्रिकाका लागि कप्तान फाफ डुप्लेसिसले ६६ रनको पारी खेले। जेपी डुमिनी र एडेन मार्करामले ४५/४५ रनको योगदान दिए। बंगलादेशका लागि मुस्तफिजुर रहमानले तीन विकेट लिए।

    तपाईको समाचार, लेख /रचना वा सुझाव भएमा aahakhabar@gmail.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast