परिणाम निस्कने गरी काम गर्न सशस्त्र प्रहरीलाई गृहमन्त्रीको निर्देशन #आहा खबर# नेप्से परिसूचक घट्यो, ०.२० अंकले घटेर १ हजार २५८ अङ्कमा #आहा खबर# लोकसेवा विज्ञापनविरुद्धको सुनुवाइ फेरि सर्‍यो, फाइललाई एक साथ पेश गर्न आदेश #आहा खबर# पानीजहाजमा काम लगाइदिने भन्दै ६ करोड ठगी गर्ने पक्राउ #आहा खबर# बिहान धेरै सुत्दा दिमाग दुई गुणा बढी चल्ने ! स्वास्थ्यमा अनेकौं फाइदा #आहा खबर# मार्सी धानमा झारनाशक औषधि ‘ब्युटाक्लोर’ प्रयोग नगर्न कृषि विज्ञले सुझाव #आहा खबर# सन् २०१८ सम्ममा ७ करोड मानिस विस्थापित, यस्तो छ राष्ट्रसंघको तथ्यांक #आहा खबर# सधैँ भीड लाग्ने भक्तपुर अस्पतालका आकस्मिक बाहेक सबै सेवा ठप्प #आहा खबर# ओली–दाहालबीच छलफल, पार्टी एकता प्रक्रियालाई गती दिन दबाब #आहा खबर# हयातका आन्दोलनरत मजदूर काममा फर्किए, होटल भने सञ्चालन हुन बाँकि #आहा खबर# भारतका प्रधानमन्त्री मोदीले दिए राहुललाई जन्मदिनको शुभकामना, कति बर्ष पुगे ? #आहा खबर# गुठी विधेयकको विरोधमा प्रदर्शन : ट्राफिक अस्तव्यस्त, यी ७ स्थानमा गाडीहरु डाइभर्ट #आहा खबर# नगद लुट्न माइक्रो फाइनान्समा कार्यरत युवतीको हत्या, अभियुक्तको खोजी शुरु #आहा खबर# ३३ करोडको लागतमा बन्ने भयो जाजरकोटमा आधुनिक अस्पताल #आहा खबर# नरैनापुरमा प्रधानमन्त्री रोजगार कार्यक्रम आजदेखि शुरु #आहा खबर#
    धर्म-संस्कृति

    शालग्राम सङ्ग्रहालय निर्माणका लागि प्रदेश सरकारबाट ८० लाख बजेट

    आईतवार, १२ जेष्ठ २०७६, – खेमराज गौतम.

    गलकोट, १२ जेठ  ।

    शालग्राम संरक्षणका बागलुङ नगरपालिका–४ कुँडुलेमा निर्माणाधीन भूमिगत शालग्राम सङ्ग्रहालयका लागि गण्डकी प्रदेश सरकारले रु ८० लाख बजेट विनियोजन गरेको छ । 

    शालिग्राम सङ्ग्रहालयको विस्तृत योजना प्रतिवेदन (डिपिआर) कार्यान्वयनका लागि बागलुङ नगरपालिकाको पहलमा प्रदेशको उद्योग, पर्यटन वन तथा वातावरण मन्त्रालयले हालै उक्त रकम विनियोजन गरेको हो । विश्वमै दुर्लभ मानिने शालग्राम शिलाको संरक्षणका लागि निर्माण भइरहेको भूमिगत सङ्ग्रहालय निर्माणमा सहयोग पुगोस् भन्दै बजेट विनियोजन गरेको उद्योग, पर्यटन वन तथा वातावरणमन्त्री विकास लम्सालले बताउनुभयो । 

    मुस्ताङको मुक्तिनाथदेखि म्याग्दी, बागलुङ र पर्वत भएर बहने कालीगण्डकी (कृष्णगण्डकी) नदीमा मात्र पाइने शालग्राम शिलाको संरक्षणका लागि बागलुङ नगरपालिका–४ कुँडुलेमा रहेको तिरुपती बालाजी धाम मन्दिर परिसरमा भूमिगत शालग्राम सङ्ग्रहालय निर्माणको काम अन्तिम चरणमा रहेको छ । 

    धार्मिक दृष्टिले अति नै महत्वपूर्ण मानिने शालग्राम शिलालाई सङ्ग्रहालयमा व्यवस्थित रूपमा राख्नका लागि भगवान् शिवको प्रिय अस्त्रका रूपमा मानिने त्रिशूल आकारमा भू–गर्भभित्र ७६ मिटर लामो सुरुङ निर्माण सम्पन्न भइसकेको तिरुपति बालाजीधाम मन्दिरका अध्यक्ष स्वामी ऋषि प्रपन्नाचार्यले बताउनुभयो । 

    कुडुले फेदीस्थित श्री रङ्गवेकटेश मुक्तिनारायण मन्दिर, मुक्तिनाथ वेदविद्याश्रम तिरुपति बालाजीधाममा स्वामी श्रीधरचार्यको नामबाट २०७५ भदौ १ गते शालग्राम सङ्ग्रहालयको उद्योग, पर्यटन वन तथा वातावरणमन्त्री विकास लम्सालले शिलान्यास गर्नुभएको थियो । 

    शालग्राम सङ्ग्रहालयको डिपिआर कार्यान्वयनका लागि जेठ ८ गते बजेटको अख्तियारी आएको भू तथा जलाधार व्यवस्थापन कार्यालय पर्वतले जनाएको छ । 

    अख्तियारी प्राप्त भइसकेपछि निर्माणधीन शालग्राम सङ्ग्रहालयको अध्ययनपश्चात योजना सम्झौता गरी भुक्तानी प्रदान गरिने भू तथा जलाधार व्यवस्थापन कार्यालय पर्वतका कार्यालय प्रमुख कृष्ण घिमिरेले बताउनुभयो । रु चार करोड लागतमा निर्माण हुन लागेको सङ्ग्रहालयमा रु दुई करोड बढी रकम खर्च भइसकेको प्रपन्नाचार्यले बताउनुभयो । 

    “कालीगण्डकी नदीमा मात्र पाइने शालग्राम चोरी पैठारी हुँदा भविष्यमा शालग्राम हराउँदै जाने भन्दै शालग्राम संरक्षणमा जुटेका छौँ”, प्रपन्नाचार्यले भन्नुभयो, “यस कार्यलाई पूर्णता दिन गण्डकी प्रदेश सरकारले बजेट विनियोजन गरेको हो ।” हाल तिरुपती बालाजीधाममा रहेका २४ हजार शालग्रामलाई पहिलो चरणमा सङ्ग्रहालयमा राखिने छ । 

    सुरुङ निर्माण साउथ एशियन एन्फ्रास्टक्चर निर्माण कम्पनीले ठेक्कामार्फत काम गरेको थियो । अहिले सुरुङ निर्माण सम्पन्न गरी भित्री संरचनाको काम भइरहेको छ । 

    हिन्दू धर्मावलम्बीका लागि कालो रङको बाटुलो शिला (ढुङ्गा) शालग्राम अति पूजनीय मानिन्छ । यसका लागि नेपालको पश्चिम कालीगण्डकी नदी प्रख्यात छ । बैष्णव र सनातनीहरुले शालिग्रामलाई साक्षात् विष्णुको अवतारका रुपमा लिन्छन् । 

    सङ्ग्रहालय नामकरण गरिएका स्वामी श्रीधरचार्य शालग्रामको महत्वबारे ग्रन्थ प्रकाशन गर्ने र संरक्षणका एक अभियन्ता मानिन्छन् । उनको विसं २०५६ मा ३९ वर्षको अल्पायुमै निधन भएको थियो । आचार्यका मुक्तिक्षेत्र महात्माय, शालग्राम महात्माय, गोदा सप्तसरीलगायत दुई दर्जन बढी कृति प्रकाशित छन् ।

    तपाईको समाचार, लेख /रचना वा सुझाव भएमा aahakhabar@gmail.com मा पठाउनुहोला ।

    यसमा तपाईको प्रतिक्रिया (Comment)
      Weather Forecast