सोमबार, असोज ६, २०७६
    कला-सौन्दर्य

    विवेक ओवरायले सलमान, ऐश्वर्या र अभिषेकको मजाक उडाए ? महिला आयोगले माग्यो जवाफ

    मंगलवार, ७ जेष्ठ २०७६, आहाखबर

    मुम्बई, ७ बैशाख । 

    केही अघिमात्रै भारतीय जनता पार्टीको पूर्व अध्यक्ष नितिन गडकरीको हातबाट आफ्नो नयाँ फिल्मको पोस्टर जारी गरेका बलिउड अभिनेता विवेक ओबराय एका-एक ट्विटरमा ट्रोल बनेका छन् । ओबरायले आफ्नो ट्विटर एकाउण्टमा एउटा व्यंग्यात्मक तस्वीर शेयर गरेका थिए । 

    जसमा तीन तस्वीरलाई मिलाएर एउटा फोटो बनाईएको छ । फोटामा सिलमान खान, ऐश्वर्या राय बच्चन र ओवराय आफै तथा ऐश्वर्या, अभिषेक बच्चन र छोरी आराध्याको अलग अलग समय अन्तरालको फोटो समावेश छ । 

     

    विवादको मूल कारण

    नायक ओवरायले अन्य कसैले अपलोड गरेको फोटोमा साधारण प्रतिक्रिया दिदै शेयर गरेपछि त्यो पोष्ट केही क्षणमै भाइरल बनेको थियो ।

    यसैबीच राष्ट्रय महिला आयोगले एउटा नोटिस जारी गर्दै विवेक ओबेरायसँग जवाफ समेत मागेको छ ।


    भारतमा भर्खरै सम्पन्न लोकसभा निर्वाचनको नतिजा यही विहिबार आउँदैछ । अहिले त्यहाँ निर्वानको नतिजालाई लिएर बिभिन्न अड्कलबाजीहरु भैरहेका छन् । यस्तो अवस्थामा ओवरायले गरेको तस्वीरमा ओपिनियन पोल वा एग्जिट पोलका विषयमा तीखो व्यंग्य प्रहार गरिएको छ । 

     

    के लेखेका थिए विवेकले ?

    विवेकले लेखेका छन् की यो तस्वीर उनलाई निकै क्रिएटिभ लाग्यो र उनले शेयर गरे । जसमा कुनै राजनीति छैन । 

    अन्तमा उनले लेखेका छन् - वास्तवमा यही नै लाइफ हो ।  

     

    के छ तस्वीरमा ?

    हुन त निकै सामान्य लाग्ने उक्त तस्वीरको माथिल्लो भागमा सलमान खान र  ऐश्वर्यालाई जोडीकोरुपमा उतारिएको छ भने जसमा ओपिनियन पोल लेखिएको छ ।

    त्यस्तै, दोश्रो नम्बरमा स्वयम् विवेक र ऐश्वर्याको सँगैको तस्वीर छ, जसमा एग्जिट पोल लेखिएको छ ।

    तेश्रो तथा अन्तिम भागमा अभिषेक, ऐश्वर्या र उनीहरुकी छोरी आराध्याको तस्वीर छ र त्यसमा रिजल्ट लेखिएको छ । 

     

    राँचीका युवकले अपलोड गरेका थिए तस्वीर

    ओवरायले शेयर गरेको उक्त तस्वीरलाई राँचीका पवन सिंहले आफ्नो ट्विटर ह्याण्डलबाट अपलोड गरेका थिए ।

    विवेकले पवनको त्यही पोष्टलाई ट्वीट तथा शेयर गरेका थिए । 

     

    - एजेन्सीहरुको सहयोगमा

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast