प्रधानमन्त्रीलाई मारिदिन्छु भन्दै सामाजिक सञ्‍जालमा टिप्पणी गर्ने १ जना पक्राउ #आहा खबर# “काफल बेचेर कमाएको पैसाले हामी कापीकलम किन्ने र नास्ता खाने गर्दछौँ” #आहा खबर# शेयरको मूल्य ओरालो लाग्ने क्रम जारी, नेप्से ९ अंकले घटेर १ हजार ३ सय ७ अङ्कमा थामियो #आहा खबर# देउवाले गठन गरे छायाँ सरकार, कसलाई कुन मन्त्रालय ? #आहा खबर# ७५ आरोही सगरमाथाको चुचुरोमा, कामिरिता २४औ आरोहण #आहा खबर# प्रधानमन्त्री ओलीद्वारा अप्टिकल फाइबर बिच्छ्याउने अभियानको सुरुवात #आहा खबर# तस्कर र भष्ट्राचारीलाई निस्तेज पार्नुपर्छः गृहमन्त्री थापा #आहा खबर# मानसरोबर जाने मार्ग अब नेपालगञ्ज, पर्यटकको ओइरो सँगै थपिँदै होटल #आहा खबर# गाउँमा सरुवा रोगको प्रकोप : चिकित्सक र औषधि अभाव #आहा खबर# साधारण मानिसका लागि रचना #आहा खबर# नयाँ घाँस पलाउँछ भन्दै सामुदायिक वनका उपभोक्ताले नै लगाउँछन् आगो #आहा खबर# ट्राफिक नियम उल्लङ्घनको राजश्व तिर्ने व्यवस्था अब अनलाइनमार्फत #आहा खबर# नेपालको पहिलो भूउपग्रह असार २ मा अन्तरिक्षमा छोडिने, दैनिक १६ पटक पृथ्वी परिक्रमा #आहा खबर# एटीएममा नेपाली भाषा अनिवार्य नराखे कारबाहीः राष्ट्र बैंक #आहा खबर# लिगको अन्तिम खेलमा बराबरीमा रोकियो बार्सिलोना, मेस्सीलाई पीचीची अवार्ड #आहा खबर#

    aahakhabar

    राज्य-समाज

    स्वरोजगार तालीमको लागि विनियोजित रकमको ४० प्रतिशत मात्र खर्च

    बुधबार, १ जेष्ठ २०७६, आहाखबर

    चिप्लेढुङ्गा, १ जेठ  ।

    सामाजिक विकास मन्त्रालय गण्डकी प्रदेशको स्वरोजगार कार्यक्रमका लागि विनियोजित रकम जम्मा ४० प्रतिशत मात्र खर्च भएको छ ।  आर्थिक वर्ष २०७५÷७६ मा बेरोजगारलाई स्वरोजगार बनाउने र आयआर्जनका लागि सक्षम बनाउने उद्देश्यले करीब रु १० करोड ६ लाख  उक्त शीर्षकमा छुट्टाइएको थियो । आव  सकिन दुई महिना छँदा विनियोजित रकमको आधाभन्दा कम मात्र  खर्च भएको मन्त्रालयका उपसचिव भीमप्रसाद  तिवारीले जानकारी दिनुभयो ।

    विनियोजित रकममध्ये करीब रु ६ करोड ५३ लाख तालीममा र रु तीन करोड  सीपमा आधारित बैक सम्झौताअन्तर्गत ऋण ब्याजमा सहुलियत दिने गरी  छुट्टाइएको थियो । बैंकको ब्याजमा ७५ प्रतिशत सहुलियत मन्त्रालयबाट दिने कार्यविधिमा उल्लेख भए पनि सो रकमको सदुपयोग हुन सकेन । तालीम लिनेहरु नै स्वरोजगार बनून् भन्ने उद्देश्य मन्त्रालयले राखे पनि तालीम लिएकाहरु कोही पनि ब्याज सहुलियतका लागि नआएको उपसचिव तिवारीले जानकारी दिनुभयो । 

    “सङ्घीयताअनुरुप नयाँ अभ्यासमा केही अलमल देखियो । मङ्सिरमा मात्रै कार्यविधि बन्यो । त्यस यता पनि केही कठिनाइहरु देखिँदै गए । लक्षित समूह लाभान्वित होस् भनेर प्रक्रियागत प्रस्तावलाई ध्यान दिँदै जाँदा कार्यक्रम केही ढिला शुरु हुन गयो । ” उपसचिव तिवारीले भन्नुभयो, “अबको आर्थिक वर्षको प्रारम्भबाट काम शुरु हुनेछ ।” 

    तिवारीले लक्षित वर्ग तालीमबाट लाभान्वित भए नभएका बारेमा पनि मन्त्रालयबाट अनुगमन गरिने बताउनुभयो । कुन तालीमबाट कति लाभान्वित भए, कति स्वरोजगार बन्न सके भन्ने कुरा प्राथमिकतामा राखेर आगामी कार्यक्रम तय गरिनेछ ।  तिवारीले भन्नुभयो, “तालीम तालिममा मात्र सीमित भयो कि यसबाट स्वरोजगार कति बने भन्ने विषयमा पनि मन्त्रालयले अनुगमन संयन्त्र बनाएर जानेछ ।” 
    मन्त्रालयमा माग भएका तालीममा सिलाइकटाइ, शृङ्गार,  ढाका बुनाइ, भाङ्ग्रा बुनाइ, बुटिक, प्लम्बिङ, हाउस वाइरिङ, सिन्केधूप, क्रिष्टल माला, छ्वालीका सामान, गुडिया निर्माण,  बेतबाँसका सामान, मेकानिक्स, गाडी मर्मत, कपालकाट्ने लगायत सीपमूलक तालीम छन् । साथै कानुनी सचेतना कार्यक्रम पनि जोडिएको छ । 

     

    तपाईको समाचार, लेख /रचना वा सुझाव भएमा aahakhabar@gmail.com मा पठाउनुहोला ।

    यसमा तपाईको प्रतिक्रिया (Comment)
      Weather Forecast