बिहिवार, चैत्र २०, २०७६
    आर्थिक खबर

    उद्यमी इनोभेसन र नबिल बैंकको आयोजना

    सोंचलाई व्यवसायमा बदल्ने मौका : नबिल नारी उद्यमी सीड क्याम्प हुँदै

    शुक्रबार, २७ बैशाख २०७६, आहाखबर

    ललितपुर, २७ बैशाख । 
     
    उद्यमी इनोभेसन र नबिल बैंकको संयुक्त आयोजनामा 'नबिल नारी उद्यमी सीड क्याम्प' को आयोजना गरिने भएको छ । यसै साता पुल्चोकस्थित 'इनोभेसन हाइभ' मा आयोजना गरिएको पत्रकार सम्मेलन मार्फत दुवै संस्थाका प्रतिनिधिहरुले 'नबिल नारी उद्यमी सीड क्याम्प' को आवेदन खुला गरिएको जानकारी गराएका थिए । 

    विगत २ वर्ष देखि संचालन गरिंदै आएको उद्यमी सीड क्याम्पको यो भने महिला(लक्षित संस्करण हो । जसमा कम्तीमा एक महिला सह-संस्थापक रहेका २ देखि ४ जनाको समूहले आफ्नो नवीन सोच सहित आवेदन दिन सक्नेछन् ।  

     

    १ महिनासम्म आवेदन दिन सकिने

    आवेदन खुलेको  महिना दिनसम्म आवेदन दिन सकिने उक्त कार्यक्रम अन्र्तगत स्थापित उद्यमीहरु र दक्ष प्रशिक्षकहरुले एक साता लामो उद्यमशीलता विकास तालिम दिने समेत जनाइएको छ । 

    त्यस्तै, यसरी तालिम सकेका सहभागीहरु अर्को १ महिना आफ्नो व्यावसायिक योजनामा काम गर्ने छन् भने त्यसपछि एक महिनापछिको डेमो डे का दिन थुपै्र लगानीकर्तामाँझ आफ्नो योजना प्रस्तुत गर्नेछन्। साथै यस संस्करणमा कुल २० उत्कृष्ट व्यावसायिक योजना छनोट भई अर्को चरणमा प्रवेश गर्ने छन्।

     

    कार्यकारी प्रमुख अनिल शाहको सम्बोधन

    उक्त अवसरमा नबिल बैंकका प्रमुख कार्यकारी अध्यक्ष अनिल शाहले यस कार्यक्रममार्फत स्वदेशमै बसेर केही उद्यम गर्छु संकल्प गरेका युवा पींढीका लागि अब आफ्नै व्यावसायिक सपनाको बिउ रोप्ने अवसर सृजना भएको जिकिर गर्नुभयो ।

    त्यस्तै, यस कार्यक्रमले विशेषत देशका कुना कन्दरामा रहेर पनि व्यावसायिक सोचलाई जिवित राख्दै आएका महिलालाई अघि बढ्न मद्दत गर्ने उहाँको तर्क थियो । 

    सोही अवसरमा उद्यमी इनोभेसनका शरद केसीले उद्यमी सीड क्याम्प आफ्नो सोचलाई व्यावासाएमा बदल्ने प्लेटफर्म रहेको र यसले आफ्नो सोचलाई परिक्षण गर्न, परिस्कृत गर्न र सुरुवात गर्न सघाउने बताउनुभयो । 

    सोही अवसरमा उद्यमी इनोभेसनका कार्यक्रमका संयोजक प्रभा तिमल्सिनाले कार्यक्रमको विस्तृत जानकारी दिंदै अबको एक महिनासम्म आवेदन समय रहेको भन्दै यसबाट भरपुर फाइदा उठाउन सबैमा अपील गर्नुभयो । 

     

    यस्तो छ आवेदन प्रक्रिया

    आफ्नो व्यावसायिक सोचलाई व्यवसायमा बदल्न चाहनेले उद्यमी इनोवेशनको वेभसाइट www.udhyamiseedcamp.com/apply
    मा गएर जेष्ठ २६ भित्र आवेदन दिन सक्नेछन्।

    यही जेठ ३० देखि असार ३० सम्म सो बूटक्याम्प  हुने तथा एक महिनाको प्रोडक्ट डेव्लप्मेन्ट पश्चात आगामी श्रावण ३ गतेका दिन डेमो डे को आयोजना हुने छ । त्यस्तै, नबिल बैंकको नबिल नारि कार्यक्रम मार्फत यस कार्यक्रमबाट प्रशिक्षित सहभागीहरुलाई थप सहयोग समेत हुन सक्ने पनि बताइएको छ । 

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast