देउवाले गठन गरे छायाँ सरकार, कसलाई कुन मन्त्रालय ? #आहा खबर# ७५ आरोही सगरमाथाको चुचुरोमा, कामिरिता २४औ आरोहण #आहा खबर# प्रधानमन्त्री ओलीद्वारा अप्टिकल फाइबर बिच्छ्याउने अभियानको सुरुवात #आहा खबर# तस्कर र भष्ट्राचारीलाई निस्तेज पार्नुपर्छः गृहमन्त्री थापा #आहा खबर# मानसरोबर जाने मार्ग अब नेपालगञ्ज, पर्यटकको ओइरो सगै थपिँदै होटल #आहा खबर# गाउँमा सरुवा रोगको प्रकोप : चिकित्सक र औषधि अभाव #आहा खबर# साधारण मानिसका लागि रचना #आहा खबर# नयाँ घाँस पलाउँछ भन्दै सामुदायिक वनका उपभोक्ताले नै लगाउँछन् आगो #आहा खबर# ट्राफिक नियम उल्लङ्घनको राजश्व तिर्ने व्यवस्था अब अनलाइनमार्फत #आहा खबर# नेपालको पहिलो भूउपग्रह असार २ मा अन्तरिक्षमा छोडिने, दैनिक १६ पटक पृथ्वी परिक्रमा #आहा खबर# एटीएममा नेपाली भाषा अनिवार्य नराखे कारबाहीः राष्ट्र बैंक #आहा खबर# लिगको अन्तिम खेलमा बराबरीमा रोकियो बार्सिलोना, मेस्सीलाई पीचीची अवार्ड #आहा खबर# संविधानविपरित संसदमै मृत्युदण्डको माग #आहा खबर# प्रतिनिधिसभामा आज - नर्स र शिक्षकको मागदेखि सांसदको क्षमायाचनासम्म #आहा खबर# ज्येष्ठ नागरिकलाई घरदैलोमै निःशुल्क स्वास्थ्योपचार सेवा #आहा खबर#

    aahakhabar

    खेल संसार

    अन्तिम विश्वकप खेल्दैछन् यी ५ क्रिकेटका 'बाहुबली'हरू

    बुधबार, १८ बैशाख २०७६, आहाखबर

    एजेन्सी, १८ वैशाख । 

    आईसीसी एकदिवसीय विश्वकप क्रिकेट प्रतियोगिता सुरू हुन एक महिना बाँकी छ । इंग्ल्यान्ड र वेल्समा संयुक्त रुपमा आयोजना हुने विश्वकपबारे विभिन्न चर्चा भइरहेका छन् । 

    यी खेलाडीहरु एकदिवसीय अन्तर्राष्ट्रिय विश्वकपको खेल करीअरको अन्त्यतिर छन् । 

     

    १. इमरान ताहिर 

    विकेट लिएपछि हावामा हात फैलाउँदै तिव्रगतिमा कुँदेर सेलिब्रेसन गर्ने दक्षिण अफ्रिकाका लेगस्पिनर इमरान ताहिर यो विश्वकपपछि एकदिवसीय खेलमा मैदान देखिने छैनन् । उत्कृष्ट सेलिब्रेसनका कारण एमरान मैदानमा सधै चर्चामा रहन्थे ।

    उत्कृष्ट प्रदर्शनका कारण धेरै लामो यात्रा तय गरेका इमरान यो विश्वकपछि एकदिवसीय खेलमा नदेखिने भएका हुन् । उनी पनि आफ्ना टिममेट डुमिनीजस्तै ट्वान्टी-२० खेलका लागि भने उपलब्ध हुनेछन् । दक्षिण अफ्रिकाका सर्वाधिक सफल स्पीनरमध्येका एक ताहिरले ९८ एकदिवसीय खेलमा १ सय ६२ विकेट लिएका छन् । 

     

    २. सोयब मलिक

    सधैँ एकनास प्रदर्शन गर्ने ब्याटसम्यानको परिचय बनाएका पाकिस्तानका कप्तान सोयब मलिकका लागि यो विश्वकप अन्तिम हुनेछ । पाकिस्तानका सफल क्रिकेटर मध्येका एक भेट्रान सोयबले २ सय ८२ एकदिवसीय खेलमा ७ हजार ४ सय ८१ रन बनाएका छन् ।

    पाकिस्तानका लागि सर्वाधिक अर्धशतक बनाउने सोयबले १ सय ५६ विकेट लिएका छन् भने ९६ क्याच गरेका छन् । १९९९ मा करीअर सुरुआत गरेका उनले गतवर्ष जुनमा जिम्बाबे भ्रमणका बेला सन्यास लिने घोषणा गरेका थिए । 

     

    ३. डेल स्टेन

    दक्षिण अफ्रिकन खेलाडी डेल स्टेन विश्व क्रिकेट जगतमा एक प्रख्यात खेलाडीको रुपमा रहेका छन् । उनी विश्वकै सबैभन्दा फास्ट र सबैभन्दा धेरै घातक बलिङ गर्ने खेलाडीको रुपमा चिनिन्छन् । 

    ३५ वर्षीय स्टेन राइट आर्म फास्ट बलरको रुपमा परिचित छन् । गतवर्ष मात्र उनले अन्तराष्ट्रिय क्रिकेटबाट सन्यासको घोषणा गरेका थिए । सन् २००४ मा एकदिवशीय क्रिकेटमा डेब्यू गरेका स्टेनका लागि २०१९ को एकदिवसीय विश्वकप अन्तिम अन्तर्राष्ट्रिय खेल हुनेछ । एकदिवसीय क्रिकेटमा कुल ६ हजार २ सय ५६ बलमा स्टेनले १ सय ९६ विकेट लिएका छन् ।

     

    ४.क्रिस गेल 

    वेष्ट इन्डिन्जका सर्वाधिक रन बनाउने खेलाडीको दोस्रो नम्बरमा रहेका क्रिस गेलका लागि यो विश्वकप अन्तिम हुनेछ । उनले यो विश्वकपपछि सन्यास लिने घोषणा गरिसकेका छन् । ३९ वर्षीय गेलले गत फेब्रुअरीमा ७ महिनापछि वेष्ट इन्डिजलाई एकदिवसीय सेटमा फर्काएका थिए ।


     
    इंग्ल्यान्डविरुद्धको सिरिजअघि उनले विश्वकप आफ्ना लागि अन्तिम हुने घोषणा गरेका थिए । उक्त सिरिजमा उनले ४ सय २४ रन बनाएका थिए । उनले दूई शतक र दुई अर्धशतक बनाएका थिए । उनले १९९९ मा भारतविरुद्ध एकदिवसीय अन्तर्राष्ट्रिय खेलमा डेब्यू गरेका थिए । 

     

    ५ .जेपी डुमिनी 

    दक्षिण अफ्रिकाका अलराउण्डर जेपी डुमिनी ट्वान्टी-२० अन्तर्राष्ट्रिय क्रिकेटमा देखिए पनि यो विश्वकपपछि एकदिवसीय अन्तर्राष्ट्रिय खेलमा मैदानमा देखिने छैनन् । घाइते भएको केही समयपछि मार्चमा उनले एकदिवसीय फर्मेटबाट आफू अलग्गिने घोषणा गरेका थिए । तर केही समयपछि उनले घरेलु मैदानमा हुने विश्वकपमा आफू आबद्ध हुने बताएका थिए ।


     
    ३५ वर्षीय जेपीले श्रीलंकाविरुद्ध एकदिवसीय अन्तराष्ट्रिय खेलमा डेब्यू गरेका थिए । उनीसँग यस्तो क्षमता थियो तर चोटका कारण उनले देखाउन सकेनन् । तरपनि उनी ५ हजार ४७ रनका साथ दक्षिण अफ्रिकाको शीर्ष १० खेलाडीमा समावेश छन् । 

     

    तपाईको समाचार, लेख /रचना वा सुझाव भएमा aahakhabar@gmail.com मा पठाउनुहोला ।

    यसमा तपाईको प्रतिक्रिया (Comment)
      Weather Forecast