आईतवार, मंसिर २२, २०७६
    स्कुल-कलेज

    नमुना विद्यालय कार्यक्रम : सामुदायिक विद्यालयतर्फ बढ्दो आकर्षण

    मंगलवार, १७ बैशाख २०७६, आहाखबर

    काठमाडौँ, १७ वैशाख

    कागेश्वरी मनोहरा न. पा. वडा न ३ स्थित श्री आदर्श माध्यमिक विद्यालयमा नेपाल सरकारको नमुना विद्यालय कार्यक्रम लागुभए पश्चात विद्यार्थीको आकर्षण बढेको छ ।

    कागेश्वरी मनोहरा न. पा. ले विद्यालय यातायातको व्यवस्था गरिदिएपछि निम्न आयस्तर भएका अभिभावकहरु मात्र नभई मध्यम स्तरका अभिभावकहरुले पनि सामुदायिक विद्यालयमा विद्यार्थी भर्ना गराई सुविधाको उपयोग गरेका छन् । 

    नमुना विद्यालय कार्यक्रमबाट परिक्षित शिक्षक तथा व्यस्थापन समितीका कारण श्री आदर्श माध्यमिक विद्यालय भद्रबास यस क्षेत्रकै अग्रणी सामुदायिक विद्यालय बन्न तर्फ लम्कीरहेको छ ।

    बस सेवाले साना बालबालिका, टाढाबाट हिडेर आउने बालबालिका, विशेष आवस्यकता भएका बालबालिका (शारीरिक अपाङ्गता) आदिलाई सहयोग पुग्ने विश्वास प्रधानअध्यापक जय सिहं चौधरीले बताउनुभयो। 

    यस क्षेत्रको नमुना विद्यालयमा बस संचालन भएपछी यहाका विद्यार्थी तथा अभिभावकले खुशी ब्यक्त गरेका छन्  । नया व्यवस्थापन समिती गठन भएपश्चात शिक्षक, विद्यार्थी, अभिभाबक, समुदायको साझेदारीमा विद्यार्थी भर्ना अभियान जारी रहेको व्यवस्थापन समितीका अध्यक्ष बासुदेव पौडेलले जानकारी दिनुभयो ।

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast