बिहिवार, असोज ३०, २०७६
    स्वास्थ्य

    स्वास्थ्यचौकीमा कार्यरत अनमी नै उच्च रक्तस्रावको चपेटामा

    मंगलवार, १७ बैशाख २०७६, आहाखबर

    हुम्ला, १७ वैशाख

    चंखेली गाउँपालिका वडा नं ६ स्थित मेल्छाम स्वास्थ्यचौकीमा कार्यरत अनमी निशा नेपाली गए राति २ बजेदेखि उच्च रक्तस्रावले थला पर्नुभएको छ । 

    दाङ, घोराही उपमहानगरपालिका १५ स्थायी घर हुनुभएका ३५ वर्षीय अनमी नेपाली अत्यधिक रक्तस्रावले थला परेको हुनाले उद्धारका लागि गृह मन्त्रालयमा हेलिकप्टरका लागि पहल भइरहेको प्रमुख जिल्ला अधिकारी धोलकराज ढकालले जानकारी दिनुभयो ।

    तीन महिना पहिले गर्भ खसेपछि औषधि गरेर आउनुभएका नेपाली रातिदेखि बिरामी भएर स्वास्थ्यचौकीमा छट्पटाइरहेको मेल्छाम स्वास्थ्यचौकीकी अनमी बेलसरा बुढाले जानकारी दिनुभयो । 

    अनमी नेपाली रातिदेखि छट्पटाइरहेको खबर पाउनासाथ उद्धारका लागि पहल गरिएको ढकालले जानकारी दिनुभयो । नेपाली सेनाको हेलिकप्टर काठमाडौँबाट आउने तयारी भइरहेको  जिल्ला अस्पतालका सिनियर अनमी सरिता बोहराले बताउनुभयो । बिरामी नेपालीलाई हेलिकप्टरमार्फत प्रदेश अस्पताल सुर्खेतमा लगिने जनाइएको छ । 

     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast