मंगलवार, श्रावन ७, २०७६
    अावास-निर्माण

    सबै निदाएका बेला त्रिभुवन विमानस्थलमा चहलपहल ! सुधार काम धमाधम [फोटोफिचर]

    बुधबार, ११ बैशाख २०७६, आहाखबर

    काठमाडौं, ११ वैशाख ।

    नेपालको त्रिभुवन अन्तर्राष्ट्रिय विमानस्थलको धावनमार्ग 'रिह्याब्लिटेसन' (सुधार)को काम राति १० बजेदेखि बिहान ८ बजेसम्म विमानस्थल नै बन्द गरेर भइरहेको छ । 

    सुरुको चरणमा धावनमार्गको मध्यभागमा रहेका कमजोर भागहरु कुल मिलिङ मेसिनले १० सेन्टिमीटर उप्काउन सुरु गर्छ ।

    मिलिङ मेसिनले उप्काएको पीचबाट निस्केका गेग्रान सिधै टिपरमा हालिन्छ । यहाँ चारवटा मिलिङ मेसिनले धावनमार्गको मध्यभाग दायाँ १० मिटर र बायाँ १० मिटर धमाधम पीच उप्काउँदै गेग्रान टिपरमा भर्छन् ।  एउटा टिपर गेग्रानले भरिने वित्तिकै अर्को स्ट्याण्ड बाइ रहन्छ। मिलिङ मेसिनको अलि पर पुरानो पीच उप्काएको ठाउँमा बडार्ने काम पनि भइरहेको छ ।

    टिपरबाट झरेका गेग्रान सफा गर्न नेपाली कामदार सावेल लिएर पन्छ्याइरहेका छन् । ट्रिपर र कुलिङ मेसिन संचालनका लागि अपरेटरलाई १० जनाभन्दा बढी प्राविधिकले निर्देशन दिइरहेका छन् भने १० जना भन्दा बढी प्राविधिक पुरानो पीच उप्काएको ठाउँको टिपोट र नाप लिइरहेका छन् ।

    बर्खा सुरु हुनु अगावै धावनमार्ग सुधारको काम सक्ने लक्ष्य चिनियाँ निर्माण कम्पनी एभीआईसीले राखेको छ ।

    यसअघि श्रीलंका, लाइवेरिया, अस्ट्रेलिया लगायतका देशमा रिह्याविलिटेसनको काम गरिसकेकोले नेपालमा काम गर्न धेरै सजिलो भएको कामदारको भनाई छ ।

    तपाईको समाचार, लेख /रचना वा सुझाव भएमा aahakhabar@gmail.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast