शनिबार, श्रावन ४, २०७६
    स्वाद/परिकार

    काँक्रो, आलु र केराउको मिक्स अचार बनाउने तरिका

    सोमबार, ९ बैशाख २०७६, आहाखबर

    काठमाडौँ, ९ वैशाख

    अचार नेपाली खानामा पर्ने एक परिकार हो । अचार ताजा तथा गलौटा गरी विभिन्न वर्गमा विभाजित गर्न सकिन्छ । अचार प्रायः पिरो , अमिलो या तिखो स्वादको हुन्छ । कहिले काहीँ यसलाई चटनी भन्ने पनि गरिन्छ। काँक्रो, आलु र केराउको मिक्स अचार नेपाली समाजमा लोकप्रिय हुँदै गईरहेको छ । 

    अचार बनाउने तरिका: 

    आवश्यक सामग्री 

    काँक्रो, उसिनेको आलु, हरियो केराउ
    भुटेको रातो खुर्सानी, अदुवा, लसुन, हरियो खुर्सानी
    नुन, बेसार, भुटेर पिसेको तिल, कागती
    भुटेको जिरा, तेल, मेथी, धनियाँको दाना

    विधि :

    सुरुमा भुटेको जिरा, धनियाँको दाना र खुर्सानी पिस्ने ।
    त्यसमा लसुन र अदुवा पनि थिचेर पेस्ट बनाउने ।
    एउटा भाँडोमा आलु, काँक्रो, केराउ राख्ने र ती माथी हरियो खुर्सानी, तिल, अघि पिसेको मसला, नुन, कागती राख्ने र एकछिन यत्तिकै छोडिदिने ।

    अब एउटा प्यानमा तेल तताउने र त्यसमा मेथी फुराउने ।
    त्यो तेललाई अचारमा झानिदिने र राम्रोसंग मिक्स गर्ने, अनि अचार खानको लागि तयार भयो ।

    तपाईको समाचार, लेख /रचना वा सुझाव भएमा aahakhabar@gmail.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast