अफगानिस्तानलाई फेरि झड्का, बँग्लादेश ६२ रनले विजयी, शकिबको नयाँ रेकर्ड #आहा खबर# के गरिस मंगले, आफ्नै ढङ्गले ! आफ्नै कार्यशैलीका कारण सरकार ‘घेराबन्दी’मा #आहा खबर# पहिरामा थुनिएका ५१ जना सुरक्षित स्थानमा #आहा खबर# आयोगका सिफारिस कार्यान्वयन नगर्नेको नाम कालोसूचीमा #आहा खबर# विश्वकप क्रिकेट : वेष्ट इण्डिजलाई ठूलो धक्का, चोटका कारण आन्द्रे रसेल बाहिरिए #आहा खबर# विप्लव समूहमा संलग्न भएको आरोपमा फिल्म ‘मालिका’ का निर्माता नरबहादुर कार्की पक्राउ #आहा खबर# तल्लो मोदी जलविद्युत् आयोजना पुनः सञ्चालनमा #आहा खबर# दुधसँग भुलेर पनि नखानुहोस यी ८ चिजहरु #आहा खबर# 'क्लीन फिड' नीतिले हंगामा ! टेलिभिजन प्रशारण बन्द, व्यवसायीहरु भन्छन् - सरकारलाई दबाब दिएका हौं #आहा खबर# आठबीसकोट नगरपालिका बन्यो मदिरामुक्त नगरपालिका #आहा खबर# राष्ट्रिय परिचयपत्रका लागि विवरण सङ्कलन शुरु #आहा खबर# भ्रमण वर्ष अभियानलाई प्रभावकारी बनाउन यस्तो 'मास्टर प्लान' #आहा खबर# अर्घाखाँचीमा 'खानेपानीको मुहान बचाऔं, प्राण बचाऔं' अभियान तीब्र #आहा खबर# क्रिकेट विश्वकप : बंगलादेशद्वारा अफगानिस्तानलाई २ सय ६३ रनको लक्ष्य #आहा खबर# नेकपा कास्कीका ७२ वडाका अध्यक्ष र सचिवको शपथ #आहा खबर#
    कृषि-उर्जा

    तरकारी खेतीबाट जीवनस्तर सुधार

    सोमबार, २ बैशाख २०७६, आहाखबर
    गलेश्वर, २ वैशाख 
     
    सीप र जाँगर भए पैसा कमाउन विदेश जानु पर्दैन, आफ्नै गाउँघरमा पनि राम्रो आम्दानी गर्न सकिन्छ भन्ने उदाहरण देखाउनुभएकोे छ म्याग्दीको बेनी नगरपालिका–२ रोहोटेका शोभित शर्माले ।
     
    जिल्ला सदरमुकाम बेनीबजारसँगै जोडिएको बेनी नगरपालिका–२ का शर्माले खबरा र रोहोटेमा  व्यावसायिक तरकारी खेतीबाट वार्षिक रु आठ लाख रुपैयाँभन्दा बढी कमाई गर्दै आउनुभएको छ । विसं २०५२ सालदेखि व्यावसायिक तरकारी खेतीमा लाग्नुभएका ४३ वर्षीय शर्माको जीवनस्तर तरकारी खेतीबाट नै बदलिएको छ । विगत २३ वर्षअघिसम्म के खाउँ र के लाउँको अवस्थामा रहनुभएका शर्माले सो अवधिमा ठाउँठाउँमा घरघडेरीसहितका जग्गा जोड्नुका साथै सदरमुकाम बेनीका बैंक तथा वित्तीय संस्थामा रकमसमेत बचत गर्नुभएको छ ।
     
    शुरुमा तीन रोपनी जग्गाबाट तरकारी खेती शुरु गर्नुभएका शर्माले अहिले १२ रोपनी क्षेत्रफलमा व्यावसायिक तरकारी खेती र ३८ रोपनीमा बाख्राका लागि घाँस उत्पादन तथा फलफूल खेती गर्दै आउनुभएको छ । सापकोटा कृषि फार्म स्थापना गरेर प्राङ्गारिक तरकारी खेती गर्दै आउनुभएका शर्माले उत्पादन गरेको तरकारीको माग बजारमा उच्च रहेको छ । ‘अग्र्यानिक’ पद्धतिद्वारा व्यावसायिक तरकारी खेतीमा लाग्नुभएका शर्मा जिल्लाका अगुवा कृषक हुुनुहुन्छ ।
     
    शर्माको तरकारी खेती र त्यसबाट प्राप्त हुने आम्दानी देखेर खबराका सबै किसान तरकारी र फलफूल खेतीमा लागेका छन् । “अहिले खबराको गाउँ नै तरकारी र फलफूलको गाउँ भएको छ,” अगुवा कृषक शर्माले भन्नुभयो, “तरकारी र फलफूल बेचेर यहाँका किसानले वार्षिक रु दुई देखि आठ लाखसम्म आम्दानी गर्ने गरेका छन् ।
     
    उर्वर माटोमा गाईभैँसीको मलबाट कीटनाशक औषधि प्रयोग नगरी उत्पादन गरिएको गोलभँेडा, सिमी, केराउ, साग, काउली, मूला लगायतका तरकारी उत्पादन गरी नजीकैको बजारमा लगेर राम्रो भाउमा बिक्री वितरण गर्न पाउँदा खबराका किसान दङ्ग छन् । कृषि ज्ञान केन्द्र लगायतका विभिन्न सङ्घसंस्थाले गाउँमा कृषक समूह गठन गरी गरीब किसानलाई तरकारी खेती गर्ने तालीम, बीउबिजन दिएपछि अहिले यस गाउँका किसानको जीवनस्तरमाथि उठ्दै गएको छ ।
     
    मौसम–बेमौसममा समेत राम्रो किसिमले गोलभँेडा खेती गर्न टनेल (प्लास्टिक घर) बनाई दिएपछि किसानले बोटैभरि लटरम्म गोलभेँडा फलाउन सफल भएका छन् । प्रतिकेजी रु ४५ देखि ८० सम्म गोलभँेडा बिक्री–वितरण गरेर तुरुन्तै नगद हातमा पार्न सफल भएपछि रोजगारीका लागि विदेश गएका आफ्नो छोराभतिजालाई समेत आफ्नै गाउँ फर्कन खबर गरेको अगुवा कृषक शर्माले बताउनुभयो ।
          
    तपाईको समाचार, लेख /रचना वा सुझाव भएमा aahakhabar@gmail.com मा पठाउनुहोला ।

    यसमा तपाईको प्रतिक्रिया (Comment)
      Weather Forecast