अफगानिस्तानलाई फेरि झड्का, बँग्लादेश ६२ रनले विजयी, शकिबको नयाँ रेकर्ड #आहा खबर# के गरिस मंगले, आफ्नै ढङ्गले ! आफ्नै कार्यशैलीका कारण सरकार ‘घेराबन्दी’मा #आहा खबर# पहिरामा थुनिएका ५१ जना सुरक्षित स्थानमा #आहा खबर# आयोगका सिफारिस कार्यान्वयन नगर्नेको नाम कालोसूचीमा #आहा खबर# विश्वकप क्रिकेट : वेष्ट इण्डिजलाई ठूलो धक्का, चोटका कारण आन्द्रे रसेल बाहिरिए #आहा खबर# विप्लव समूहमा संलग्न भएको आरोपमा फिल्म ‘मालिका’ का निर्माता नरबहादुर कार्की पक्राउ #आहा खबर# तल्लो मोदी जलविद्युत् आयोजना पुनः सञ्चालनमा #आहा खबर# दुधसँग भुलेर पनि नखानुहोस यी ८ चिजहरु #आहा खबर# 'क्लीन फिड' नीतिले हंगामा ! टेलिभिजन प्रशारण बन्द, व्यवसायीहरु भन्छन् - सरकारलाई दबाब दिएका हौं #आहा खबर# आठबीसकोट नगरपालिका बन्यो मदिरामुक्त नगरपालिका #आहा खबर# राष्ट्रिय परिचयपत्रका लागि विवरण सङ्कलन शुरु #आहा खबर# भ्रमण वर्ष अभियानलाई प्रभावकारी बनाउन यस्तो 'मास्टर प्लान' #आहा खबर# अर्घाखाँचीमा 'खानेपानीको मुहान बचाऔं, प्राण बचाऔं' अभियान तीब्र #आहा खबर# क्रिकेट विश्वकप : बंगलादेशद्वारा अफगानिस्तानलाई २ सय ६३ रनको लक्ष्य #आहा खबर# नेकपा कास्कीका ७२ वडाका अध्यक्ष र सचिवको शपथ #आहा खबर#
    लाइफस्टाइल

    राजधानीमा राति १० बजेसम्म गाडी चल्ने, ताकियो सवारी सञ्चालन अवधि

    सोमबार, २५ चैत्र २०७५, आहाखबर

    काठमाडौँ, २५ चैत :

    काठमाडौँ महानगरपालिकाले स्थानीय सरकार सञ्चालनका लागि आवश्यक पर्ने चार विधेयक स्वीकृत गर्दै चौथो नगरसभा सम्पन्न गरेको छ ।
    उक्त अवसरमा  काठमाडौं महानगरभित्रका रुटमा सञ्चालन हुने सार्वजनिक यातायात सञ्चालनको समय सीमा समेत तोकिएको छ।

    जसअनुशार अब महानगरभित्रका सार्वजनिक सवारीका साधन कात्तिकदेखि माघ मसान्तसम्म विहान ५ बजेदेखि राति ९ बजेसम्म र बाँकी महिनामा ५ बजेदेखि १० बजेसम्म सञ्चालन गर्नुपर्ने निर्णय महानगरपालिकाले जनाएको छ। 


    काठमाडौं महानगरपालिका सवारी तथा यातायात सञ्चालन ऐनमा भएको व्यवस्थाअनुसार यस्तो निर्णय गरिएको पनि महानगरपालिकाले प्रष्ट्याएको छ। 
     
    कामपाको आइतबार बसेको चौथो नगरसभाले कामपाको शहरी योजना आयोग ९गठन तथा सञ्चालन कार्यविधि० विधेयक ऐन– २०७५, सार्वजनिक निजी साझेदारी तथा लगानी विधेयक ऐन– २०७५, कामपाको विपत् जोखिम न्यूनीकरण तथा व्यवस्थापन विधेयक ऐन–२०७५, सवारी तथा यातायात व्यवस्थापन विधेयक ऐन– २०७५ स्वीकृत गरेको हो ।
     
    विधेयकसँगै चालू आर्थिक वर्षको स्वीकृत बजेटका विभिन्न शीर्षकबाट खर्च हुन नसकेको रु ६७ करोड १० लाख रकम तत्काल कार्यान्वयन गर्न जरुरी महत्वका कार्यक्रममा रकमान्तर गरिएको छ । विद्युतीय शासनलाई प्रभावकारी बनाउने घोषित नीतिअनुरुप सम्पूर्ण तथ्याङ्क सङ्कलन गर्न बजेट थप गरेको छ । जसअन्तर्गत ‘जीआइएस डाटा कलेक्सन’ शीर्षकमा रु तीन करोड ८७ लाख रकम थप गरिएको छ ।
     
    नेपाल एम्बुलेन्स सेवा सञ्चालन खर्च अनुदान शीर्षकमा खर्च हुन नसकेको रकम रकमान्तर गरिएको छ । त्यसैगरी संयन्त्र उपकरण ९दमकल खरीद शीर्षकमा रु १३ करोड०, बु्रमर खरीद शीर्षकमा रु १० करोड रकमान्तर गरिएको छ ।
     
    त्यसैगरी सङ्घीय संसद् कोषबाट सञ्चालन हुने स्थानीय पूर्वाधार विकास साझेदारी कार्यक्रम, प्रदेश सरकारको सशर्त अनुदानबाट सञ्चालन हुने कार्यक्रम, जग्गा विकास कार्यक्रमलगायतका शीर्षकमा पनि रकम थप गरिएको छ । महानगर विशेष कार्यक्रमअन्तर्गत शीर्षकको रकम कम गरिएको छ । यससँगै हनुमानढोका दरबार संरक्षण कार्यक्रमको रु ३९ लाख बजेट पनि रकमान्तर गरिएको छ ।

    नगरसभा सञ्चालन गर्दै सभाका अध्यक्ष एवं महानगर प्रमुख विद्यासुन्दर शाक्यले कानून तर्जुमा गर्ने अधिवेशन भएकाले नगरसभा शहरी व्यवस्थापनमा आवश्यक पर्ने कानुन तर्जुमा गर्न केन्द्रित भएको बताउनुभयो ।
     
    त्यस्तै उपप्रमुख हरिप्रभा खड्गी श्रेष्ठले कानून निर्माण चित्तबुझ्दो ढङ्गबाट अघि बढेकाले यसको व्यवस्था कार्यान्वयन गरेर नागरिकलाई जनप्रतिनिधि भएको महसुस गराउनुपर्ने धारणा राख्नुभयो ।

    नगरसभा सदस्यले विषेश समय लिएर सुशासन अभिवृद्धि गर्ने, धुवाँधुलोमुक्त काठमाडौँ बनाउने, सार्वजनिक जग्गा संरक्षण गर्ने, खर्चमा मितव्ययिता अपनाउने, कार्यसम्पादनमा देखिएको प्रक्रियागत झन्झट कम गर्ने विषयमा धारणा राख्नुभएको थियो । त्यस्तै सूचना अधिकारी वसन्त आचार्यले सभाबाट स्वीकृत भएका ऐनहरु १५ दिनभित्र प्रमाणीकरण र त्यसपछि लागू हुने बताउनुभयो ।

     

    तपाईको समाचार, लेख /रचना वा सुझाव भएमा aahakhabar@gmail.com मा पठाउनुहोला ।

    यसमा तपाईको प्रतिक्रिया (Comment)
      Weather Forecast