मंगलवार, भाद्र ३१, २०७६
    ब्राण्ड/संगठन

    जाजरकोटको शिवालयमा सिभिल बैंकको ७४औं शाखा

    आईतवार, २४ चैत्र २०७५, आहाखबर

    जाजरकोट, २४ चैत

    सिभिल बैंकले जाजरकोटको शिवालय गाँउपालिकामा आफ्नो नयाँ शाखा स्थापना गरेको छ ।

    शाखाको उद्घाटन कर्णाली प्रदेशसभा सदस्य करबीर शाहीले गर्नुभयो । समारोहमा प्रमुख अतिथि करबीर शाही, सिभिल बैंकका प्रमुख माईक्रो बैकिंग यूवराज गुरागाईं, जाजरकोट जिल्ला समन्वय समितिका प्रमुख मनबहादुर रावल लगायतको बाक्लो उपस्थिति थियो । 

    उद्घाटन कार्यक्रमका प्रमुख अतिथि करबीर शाहीले अहिले पनि नेपालको कूल ४०% जनताले मात्र बैकिंग गर्ने र सो ४०% भित्रको ४२% ले मात्र ऋण सुविधाको उपभोग गर्ने गरेको र बैंकको उपस्थिति बिना संघीय नेपालको समृद्धि हुन नसक्ने कुरा प्रस्ट्याउनुभयो ।

     

    ग्रामीण भेगमा बैंकको शाखा बिस्तार हुँदा बित्तिय साक्षरताको अभिबृद्धी हुने र आर्थिक सम्बृद्धी आउने उहाँको भनाई छ । स्थानीय तहमा बैंकको आवश्कता महसुस गरेर सिभिल बैंकले आफ्नो शाखा जाजरकोट जिल्लाको शिवालय गाँउपालिकामा स्थापना गरेकोमा शिवालय गाँउपालिकाका अध्यक्ष नरेन्द्र कुमार शाहीले खुशी व्यक्त गर्नुभयो ।

    सिभिल बैंकका प्रमुख माईक्रोबैकिंग यूवराज गुरागाईंले ग्रामीण भेगको आर्थिक विकासको लागि बैंक अपरिहार्य रहेको बताउनुभयो ।

    सिभिल बैंकले आफ्ना ग्राहक वर्ग तथा अन्य सम्पूर्ण सरोकारवालाहरुका हितलाई ध्यानमा राखी बचत परिचालनका योजनाहरु ल्याउने कुरा बैंकका प्रमुख माईक्रो बैकिंग यूवराज गुरागाईंले बताउनुभयो ।

    सिभिल बैंकले हालसम्म करीब ३००,००० ग्राहकहरु रहेको, करीब रु.४४ अर्व निक्षेप परिचालन गरी करीब रु.४४ अर्व कर्जा लगानी गरेको छ । शिवालय शाखासहित यस बैंकको कुलशाखा संख्या ७४ पुगेकोे बैंकले जनाएको छ ।

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast