सोमबार, असोज ६, २०७६
    राज्य-समाज

    ठेकेदारी गर्ने जनप्रतिनिधीलाई कारवाही : मुख्यमन्त्री पौडेल

    मंगलवार, १४ फागुन २०७५, आहाखबर
    प्रदेस नं. ३ का मुख्यमन्त्री डोरमणि पौडेल नुवाकोट आगमनको क्रममा मंगलबार नुवाकोटको साततले दरबार क्षेत्रको अवलोकन गर्नुहुदै । विसं २०७२ बैशाख १२ को भूकम्पले क्षतिग्रस्त दरबारलाई चीन सरकारले पुर्ननिर्माण गर्ने जनाएपनि काम सुरु गर्न ढिलाई हुदै आएको छ । तस्वीर : रामहरि न्यौपाने, बेत्रावती (नुवाकोट)

    नुवाकोट, १४ फागुन :

    प्रदेश नं ३ का मुख्यमन्त्री डोरमणि पौडेलले डोजर किनेर ठेकेदारी गर्ने जनप्रतिनिधिलाई कारवाही गरिने बताउनुभएको छ ।

    विदुर नगरपालिका–५ को वडा कार्यालय भवनको माझीटारमा मंगलबार उद्घाटन गर्दै मुख्यमन्त्री पौडेलले जनप्रतिनिधिले शपथ बिर्सिएर कमाउने उद्देश्यले जनताका काम छाडेर आफैँ डोजर किन्दै ठेकेदारी गर्न थालेको गुनासो आइरहेकाले यस्ता जनप्रतिनिधिलाई कारवाहीे गरिने बताउनुभयो । 

    जनप्रतिनिधि भएर ठेकेदारी गर्न नपाउने भएका कारण आगामी दिनमा पनि यस्तो गर्नेलाई प्रदेश सरकारले अब हटाएर छाड्छ ।

    “जनताको काम गर्न आउनुभएका जनप्रतिनिधिले आफँैले डोजर किन्दै ठेकेदारी गर्नु गलत हो । कोही पहिले नै ठेकेदार रहेछन् भने पनि जनप्रतिनिधि भएपछि पुरानो पेशा छोड्नुपर्छ”, उहाँले भन्नुभयो । “जनप्रतिनिधि भएर ठेकेदारी गर्न नपाउने भएका कारण आगामी दिनमा पनि यस्तो गर्नेलाई प्रदेश सरकारले अब हटाएर छाड्छ ।” 

    मुख्यमन्त्री पौडेलले ठेकेदारी गर्ने कार्यमा स्थानीय तहका जनप्रतिनिधिहरु वडाध्यक्ष, उपाध्यक्ष, अध्यक्ष, उपप्रमुख, प्रमुखसमेत क्रियाशील भएको पाइएको बताउनुभयो । मुख्यामन्त्री पौडेलले जनताका काम गर्न छाडेर विभिन्न वहानामा ठेकेदारी गर्नेलाई प्रदेश सरकारले उन्मुक्ति नदिने बताउनुभयो । कार्यक्रममा प्रदेशसभा सदस्य बद्री मैनाली, केशव पाण्डे, हिरानाथ खतिवडा र आशामाया तामाङले सङ्घीयताको आभास दिने आधार कार्यालय वडा कार्यालय भएकोले वडा कार्यालयले दिने सेवा र सुविधाहरु प्रभावकारी भए मात्र सङ्घीयताको वास्तविक अनुहार जनताले देख्न पाउने बताउनुभयो । 

    कार्यक्रममा विदुर नगरपालिकाका प्रमुख सञ्जु पण्डितले जनताको काम छाडेर ठेकेदारी गर्दै हिँड्ने जनप्रतिनिधिलाई आफ्नो कर्तव्यअनुसारको काम गर्न सचेत गराइने र सचेत गराउँदा पनि नटेरमा कारवाहीको प्रक्रिया थालिने बताउनुभयो । यसैबीच, मंगलबार नै मुख्यमन्त्री पौडेलले बट्टारमा रहेको सङ्गम बचत तथा ऋण सहकारी संस्थाको १४औँ साधारणसभा तथा सङ्गम प्लाजाको उद्घाटन गर्दै सहकारीले व्यावसायिक क्षेत्रमा काम गर्नुपर्ने बताउनुभयो । 

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast