आईतवार, मंसिर १, २०७६
    राज्य-समाज

    ओहो पानीजहाज ! "साँच्चै मेरो देश धेरै नै विकाश भईसकेछ !!"

    बिहिवार, २ फागुन २०७५, शशिशेखर घिमिरे.

    काठमाडौँ, २ फागुन

    नेपालीहरुको लागि पानी जहाज एक सपना बन्दै आएको थियो । त्यसो त भूपरिबेष्ठित देश नेपालमा समुन्द्रबिना नै पानी जहाज चलाउने सपना देख्नु त्यति जायज पनि थिएन् । तर 'तँ चिता म पुराँउछु' भन्ने उखानको चरितार्थ हुनेगरि यतिबेला पानी जहाज कार्यालयकै उद्घाटन भएको छ । 

    यो संगै दुई तिहाईको शक्तिशाली सरकारले अब भने देशमा पानी जहाज नै चलाँउछ कि भन्ने लाग्नु अस्वाभाविक हैन । सरकारले पानीजहाज कार्यालय स्थापना गरेको खबरले  तीन करोड नेपालीको हृदय खुशीले तरंगित भएको हुनसक्छ । 

    बिहीबार प्रधानमन्त्री केपि शर्मा ओलीले एकान्तकुनमा नेपाल पानीजहाज कार्यालयको उद्घाटन गरेपछि उपस्थीत सबैले ताली बजाए । खुशी साटासाट गरे । सञ्चारमाध्यमले समाचार संकलन गरे । क्यामेरापर्सनले दुश्य कैद । देश बिकासको द्रुत गतिमा दौडिरहेको छ भन्ने यो एउटा प्रमाण पनि हुन सक्छ । किनकी मुलुकमा विकासका धेरै जस्तो कार्यहरु लगभग सकिसकेको छ ।  

    सडक, पुलपुलेसो ,बाटोघाटो,अस्पताल आदि ईत्यादी बन्न पर्ने चीज केहि छैन । बाटोघाटोको अभावमा जनताले कष्टकर यात्रा गरेर अनाहकमा कुनै समय मुत्युबरण गर्थे अव अवस्था कहाँ त्यस्तो रह्यो र ? किनकी देशका सवैस्थानमा सहज किसिमले मोटरबाटाको पहँुचमा जनता पुगीसकेका छन् । कुनै समय एउटा सिटामोल किन्न लामो दूरी पार गर्न पर्ने अवस्था पूरापूर फेरिएको छ । 

    देशको कुनै पनि स्थान र भूगोलका जनता सहज स्वास्थ्य सेवाको पहँुच बाहिर छैनन् । सरकारले सवै स्थानमा सहज स्वास्थय सेवा पाईने अस्पताल खोलीदिएको छ । ति अस्पतालमा कुनै समय चरम बेरोजगारीको अवस्थामा रहेका डाक्टर नर्सहरुले रोजगार पाएका छन् । त्यति मात्र हैन कामकै लागि परदेशीएकाहरु समेत स्वदेशकै अस्पतालमा सेवा गर्ने मन बोकेर फर्किसकेका छन् । 

    प्रधानमन्त्रीज्यूले पानीजहाजको कुरा गर्दा खाल्डोमा कागजको जहाज बनाएर उल्लाईयो

    उता सुत्केरी व्यथाको प्रश्रव बेदनामा छट्पटिएर मर्न बिबश आमाहरुको समाचार भेटिनै मुश्किल छ । थप उपचारको लागी लाखौं ऋण गरेर राजधानी शहर आउन पर्ने नियती छैन । बिज्ञान र प्रविधीको प्रचुर प्रयोगकै कारण हिजोसम्म  विकासमा बामे सरिरहेको नेपाल आज पानी जहाज गुडाउने योजनामा पुगिसकेको छ । पानीजहाज कार्यालय खोल्न सक्ने भएको छ ।  

    कुनै समय काम गर्नकै लागी दोश्रो दर्जाको नागरिक बनेर विदेश धाउन लालयित युवाहरुको अवस्था फेरिएको छ । देश बिकाससंगै म्यानपावर कंम्पनीहरु धराशायी हुनपुगेका छन् । सोझासाझा जनतालाई दोव्वर असुलेर विदेशमा सस्तो श्रम गराउन पठाउनेहरुको चिल्लीबिल्ली भएको छ । सरकारले देशभित्र नै कृषि , उद्योग स्थापना गरेर थुप्रै बेरोजगार युवालाई रोजगार दिईसकेको छ । 

    यो संगै ४० कटेसी रमाउने सपना साँचेर परदेशमा आँसु बगाउनेहरुको खुशी घरदेशमै देखिन थालेको छ । कुनै समय रेमिट्यान्सले निर्भर अर्थत्रन्तलाई स्वदेशकै काम गर्ने कर्मजीवि पाखुरीहरुको मिहीनेत र पसिनाले थप मजवूत बनाउदै लगेको छ । आर्थिक रुपमा सक्षम हुने आधार दिएको छ । देशका पर्यटकीय संभावना भएका कतिपय क्षेत्रहरुको विकास गरेर आर्थिक रुपमा सबल बनाँउदै लगेको छ । 

    भए गरेका नदिनाला मार्फत बिजुली उत्पादन गरेर भारत लगायत दक्षिण एशियामै बेच्न सफल भएसंगै देश विकासको रफ्तारमा अघि बढीरहेको छ । त्यसैले त विकासको दुष्टिकोणेले परिपूर्ण र भरिपूर्ण भएपछि सरकारले पानी जहाज सपना पूरा गर्न लागिपरेको छ । भौतिक पूर्वाधार मन्त्रालय मातहत रहनेगरी कार्यालय उद्घाटन भएको छ ।

    यसअघि २०२७ सालमा पानी जहाज दर्ता ऐन प्रचलनमा आए पनि कार्यालय भने स्थापना भएको थिएन । किनकी त्यतिबेला मुलुक राजनीतिक संक्रमणले थिल-थिल थियो । त्यति मात्र हैन परिवर्तनको लागि १२ बर्षे सशस्त्र द्वन्दको मारमा देश र जनता रहँदा हामी धेरै पछि परेका रहेछौं भन्ने अहिले आएर महशुस हुन थालेको छ । किनकी मुलुक समृद्धिको यात्रा तर्फ उन्मुख भएर पानी जहाजको कोरा कल्पनामा डुबुल्की मार्दै छ । 

    कुनै सयम चीन र भारतले गरेको विकासको संरचना हेरेर कल्पिएका नेपालीहरुको अवस्था अब हिजो जस्तो छैन । पूर्वपश्चिम रेल कुदेको त बर्षौ भयो । सबै विकासे योजनाहरु पूरा भएपछि विकास गर्ने तीव्र योजना अनुसार पानी जहाज कार्यालय उद्घाटन भएको छ । त्यही पानी जहाज चढेर तपाई कुनै दिन एशिया मात्र कहाँ हो र यूरोप र अमेरिका पनि पुग्नु हुन्छ कि ? जे होस् मुलुकमा छिट्टै पानी जहाज चल्दैछ । धन्य सरकार तिमी छौं र पो हामी जनता छौं । 'हामी जनता र देश नै नभएको भए तिमीले कस्को लागी बिकास गथ्यौं होला' भनेर सोच्दासोच्दै भुसुक्कै निदाएछु । बिहान ४ बजे नजिकै राखेको मोवाईलको अर्लाम टोनको घण्टी बजेपछि पो झल्याँस भए , साँच्चै मेरो देश धेरै नै बिकास भईसकेछ । 

    कार्यक्रममा बोल्दै भौतिक योजना तथा पूर्वाधार मन्त्री रघुवीर महासेठले प्रधानमन्त्रीको निर्देशनमा कार्यालय स्थापना गरिएको र  छिट्टै राष्ट्रिय झण्डा राखेर पानी जहाज कुदाउने बताए । सडक र हवाईभन्दा जलमार्गबाट सामान ढुवानी गर्न वातावरणीय दृष्टिले उपयुक्त हुने भन्दै उनले नेपाल जस्तो भुपरिवेष्टित राष्ट्रका लागि यो गौरवको कुरा भएको बताए । महासेठले भने, प्रधानमन्त्रीज्यूले पानीजहाजको कुरा गर्दा खाल्डोमा कागजको जहाज बनाएर उल्लाईयो । जसले हामीलाई अझ काम गर्ने जोश आयो ।’

    यसअघि २०२७ सालमा पानी जहाज दर्ता ऐन प्रचलनमा आए पनि कार्यालय भने स्थापना भएको थिएन 

    प्रधानमन्त्री ओलीले गत वर्ष फागुनमा भारत भ्रमणबाट फर्किएलगत्तै यातायात र उद्योग मन्त्रालयका अधिकारीसँग पानीजहाज सञ्चालनबारे छलफल गरेका थिए । सो छलफलमा उनले पानीजहाज सञ्चालनसम्बन्धी विस्तृत योजना बनाउन निर्देशन दिएका थिए । महत्वाकांक्षी मानिएको पानी जहाज चलाउने योजनालाई सफल बनाउन सरकारले छिमेकी मुलुक भारतसँग गत साउन महिनामा पहिलोपटक छलफल गरेको थियो ।

    सरकारले नेपाल पानीजहाज कार्यालयका लागि राजपत्राङ्कित प्रथम श्रेणी प्राविधिकतर्फका रजिष्ट्रारको नेतृत्वमा १६ को दरबन्दी स्वीकृत गरिसकेको छ । मन्त्रिपरिषद्को पुस २९ गतेको बैठकले वरिष्ठ डिभिजनल इञ्जिनीयर एक, शाखा अधिकृत एक, कानून अधिकृत एक, लेखा अधिकृत एक, मेकानिकल, राजमार्ग र सिँचाइतर्फका इञ्जिनीयर एक एक गरी तीन, सहायक र कार्यालय सहयोगी गरी आठ जना कर्मचारीको दरबन्दी स्वीकृत गरेको थियो । कार्यालय भौतिक पूर्वाधार तथा यातायात मन्त्रालयको मातहतमा रहनेछ ।

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast