बिहिवार, मंसिर २६, २०७६
    घुमघाम

    चितवनको ‘धर्मधाम’मा पर्यटकीय आकर्षण बढ्दो, जिल्लाकै नमूना मन्दिरको पहिचान

    दैनिक कम्तिमा २०० देखि बढीमा ५०० सम्म धार्मिक पर्यटकहरु मन्दिर घुम्न आउने गरेको तथ्यांक, भ्रमण गर्नेको संख्या बढ्दो

    शनिबार, १९ श्रावन २०७५, –नारायण ढुंगाना .

    रत्ननगर, चितवन १९ साउन :

    रत्ननगरस्थित जिरौनामा रहेको श्रीकृष्ण प्रणामी मन्दिर ‘धर्मधाम’ पर्यटकीय आकर्षणको केन्द्र बन्न थालेको छ । आकर्षक कलाशैलीमा निर्माण भएकाले धर्मधाममा पर्यटकको आकर्षण बढेको हो । यो जिल्लाकै नमूना मन्दिरको रुपमा परिचित छ । 

    मन्दिरमा अन्य जिल्लाका धार्मिक पर्यटकको पनि पनि भिड लाग्ने गरेको धर्मधामका अध्यक्ष श्याम बरालले जानकारी दिए । उनका अनुसार दैनिक कम्तिमा २०० देखि बढीमा ५०० सम्म धार्मिक पर्यटकहरु मन्दिर घुम्न आउँछन् । 

    रत्ननगर नगरपालिका–११ जिरौनामा झण्डै रु सात करोडको लागतमा बनेको उक्त धर्मधाम गत फागुन ८ गतेदेखि औपचारिक रूपमा सञ्चालनमा आएको थियो । विसं २०२४ मा यहाँ मन्दिर स्थापना भएको थियो । १५ कठ्ठा क्षेत्रफलमा रहेको धर्मधामको पुरानो मन्दिरको स्तरोन्नति गरी सुन्दर र आकर्षक बनाइएको छ । 

    रत्ननगर नगरपालिका–११ जिरौनामा झण्डै रु सात करोडको लागतमा बनेको उक्त धर्मधाम गत फागुन ८ गतेदेखि औपचारिक रूपमा सञ्चालनमा आएको थियो । विसं २०२४ मा यहाँ मन्दिर स्थापना भएको थियो । १५ कठ्ठा क्षेत्रफलमा रहेको धर्मधामको पुरानो मन्दिरको स्तरोन्नति गरी सुन्दर र आकर्षक बनाइएको छ । 

    “सुनेको थिएँ, आज घुम्न पाउँदा आनन्द लाग्यो, चितवन पर्साका सागर श्रेष्ठले भने, मन्दिर र मूर्तिको नमूनाले मनै लोभ्यायो।” उनिसँगै आएकी दिदी सम्झना श्रेष्ठले पनि मन्दिर देख्न पाउँदा हर्षित भए। धर्मधामलाई पृष्ठभूमिमा पारेर उनिहरूले कहिले संयुक्त फोटोमा सेल्फी त कहिले एक अर्काको फोटो खिचे । 

    नेपालकै तेस्रो पर्यटकीय गन्तव्यस्थल चितवनको सौराहाबाट झण्डै नौ किलोमिटर टाढा पर्छ धर्मधाम । धर्मधामका अध्यक्ष श्याम बरालले दशकौँदेखिको मुठीदानले सपना साकार भएकामा खुशी व्यक्त गरे । मन्दिरमा सोमबार र शनिबार भक्तजन र पर्यटकको भीड नै हुन्छ । साउनको सोमबार भने झन् बढी आउने गरेका छन् । 

    धर्मधाम मन्दिर अत्याधुनिक नमूनाका साथै सुन्दर पनि छ । वृद्धाश्रम, यज्ञमण्डप, भोजनालय, उद्यानसहितको मनोरम दृष्यका साथै आकर्षक द्वार पनि मन्दिरबाट देख्न सकिन्छ । मन्दिर वरिपरि विभिन्न देवीदेवताका सुन्दर मूर्ति छन् । चितवनमा पाइने दुर्लभ एकसिंगे गैंडाको आकर्षक चित्र पनि यहाँ राखिएको छ । 

    धर्मधाम मन्दिर अत्याधुनिक नमूनाका साथै सुन्दर पनि छ । वृद्धाश्रम, यज्ञमण्डप, भोजनालय, उद्यानसहितको मनोरम दृष्यका साथै आकर्षक द्वार पनि मन्दिरबाट देख्न सकिन्छ । मन्दिर वरिपरि विभिन्न देवीदेवताका सुन्दर मूर्ति छन् । चितवनमा पाइने दुर्लभ एकसिंगे गैंडाको आकर्षक चित्र पनि यहाँ राखिएको छ । 

    मन्दिरभित्र राधा र कृष्णको आकर्षक कलाशैलीका मूर्ति निर्माण गरिएको छ । आधुनिक तर परम्परागत रुपमा कुँदिएका झ्यालढोका, स्वर्णिम रङका भित्ता र कलात्मक टुँडालले धर्मधामको शोभा बढाएको छ । सुनको छानोझैं देखिने गजुरले झन् त्यसमा शोभा थपेको छ । कृष्णले बृन्दावनमा संगीसँग खेलेका दृष्य समेत कुँदिएको छ । 

    हालसालै मात्र धर्मधाममा रु सात लाख ७५ हजारको लागतमा सत्संग भवन निर्माण गरिएको छ । यसमा दैनिकजसो सत्संग हुने गरेको श्रीकृष्ण प्रणामी युवा परिषद्का केन्द्रीय सदस्य जगदिशचन्द्र शर्माले बताए । मन्दिर देशकै नमूना भएको दावी शर्माको थियो । 

    हालसालै मात्र धर्मधाममा रु सात लाख ७५ हजारको लागतमा सत्संग भवन निर्माण गरिएको छ । यसमा दैनिकजसो सत्संग हुने गरेको श्रीकृष्ण प्रणामी युवा परिषद्का केन्द्रीय सदस्य जगदिशचन्द्र शर्माले बताए । मन्दिर देशकै नमूना भएको दावी शर्माको थियो । 

    स्थानीय उर्मिला खड्का पनि दैनिकजसो नै मन्दिरमा आएर पुजाआजा गर्छिन् । “मन्दिरमा आउँदा आनन्द महसुस हुन्छ”, उनको प्रतिक्रिया थियो । दैनिक कथावाचन र आरतीले धार्मिक आस्था भएकालाई खुशी तुल्याएको छ । बिहीबारदेखि यहाँ एक महिने वितक कथा (कृष्ण कथा) बाचन समेत शुरु भएको छ । 

    रत्ननगर नगरपालिकाकी उपप्रमुख विमला दवाडीले पर्यटन मन्दिरको रुपमा स्थापित धर्मधामले रत्ननगरको पर्यटन विकासमा सहयोग पुगेको प्रतिक्रिया दिनुभयो । आध्यात्मिक चिन्तनले मानिसलाई सकारात्मक बन्न प्रेरित गर्ने उनको भनाइ थियो । 

    प्रदेश नं ३ को प्रदेशसभा सदस्य कञ्चन खनालले धर्म र राजनीतिको उद्देश्य समाज विकास र सुधार नै भएकाले यी दुईको फ्यूजन गरेर अघि बढ्नुपर्नेमा जोड दिनुभयो । उक्त धर्मधामको गत फागुन ८ गते राष्ट्रपति विद्यादेवी भण्डारीले उद्घाटन गरेकी थिइन ।

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast