बुधबार, जेष्ठ २१, २०७७
    धर्म-संस्कृति

    जय शम्भो !

    मिथिलाञ्चलमा महाशिवराशि व्रत फागुन २ मा, मङ्गलबार राति १०ः३० बजेपछि चतुर्दशी पर्ने भनाई

    फागुन कृष्णपक्षको चतुर्दशी तिथिका दिन महाशिवरात्रि व्रत गरिने चलन

    शनिबार, २७ माघ २०७४, आहाखबर

    जनकपुरधाम २७ माघ :

    मिथिलाञ्चलमा महाशिवरात्रि व्रत आगामी फागुन २ गते गरिने भएको छ । मिथिलाञ्चलका पण्डितहरूले फागुन १ गते महाशिवरात्रिमा महाशिवरात्रि व्रत गर्न नमिल्ने बताएका छन् । पं गणेश झाका अनुसार मङ्गलबार राति १०ः३० बजेपछि चतुर्दशी पर्ने भएकाले सो दिन महाशिवरात्रि व्रतका लागि उपयुक्त छैन । 

    सूचना तथा सञ्चार मन्त्रालय र सूचना विभागद्वारा प्रकाशित पात्रोमा फागुन १ गते त्रयोदशी लेखिए पनि सो दिन महाशिवरात्रि भनी सार्वजनिक बिदा दिइएको छ । पं झाका अनुसार फागुन १ गते राति १०ः ३० सम्म त्रयोदशी रहेका कारण सो दिन महाशिवरात्रि व्रत गर्न सकिँदैन ।      

    चतुर्दशीका दिन भगवान् शिवको भगवती गौरीसित शुभविवाह भएको, रावणेश्वर वैद्यनाथ शिवलिङ्गको स्थापना भएको तथा शिवले समुद्रमन्थनबाट उत्पन्न विषलाई पान गरेका थिए भन्ने धारणा छ । भगवान् शिवको लिङ्गस्वरूपको आविर्भाव पनि यसै दिन भएको मान्यता छ ।

    विश्वविद्यालय पञ्चाङ्गमा फागुन २ गते रातिसम्म चतुर्दशी रहेको भनी उल्लेख गरिएको छ । मिथिलाञ्चलमा सो पात्रोअनुसार नै व्रत, पर्व र संस्कारका कार्य गर्ने प्रचलन छ । फागुन कृष्णपक्षको चतुर्दशी तिथिका दिन महाशिवरात्रि व्रत गरिने चलन छ । 

    चतुर्दशीका दिन भगवान् शिवको भगवती गौरीसित शुभविवाह भएको, रावणेश्वर वैद्यनाथ शिवलिङ्गको स्थापना भएको तथा शिवले समुद्रमन्थनबाट उत्पन्न विषलाई पान गरेका थिए भन्ने धारणा छ । भगवान् शिवको लिङ्गस्वरूपको आविर्भाव पनि यसै दिन भएको मान्यता छ ।

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast