शुक्रबार, मंसिर ६, २०७६
    खेल संसार

    आइटीएफ जुनियर यु–१८ टेनिस

    आइटीएफ जुनियर (यु–१८) टेनिस प्रतियोगिता नेपालको चुनौती समाप्त

    सिंगल्स र डबल्स दुवै स्पर्धामा पराजित भएपछि नेपाली खेलाडीको चुनौती समाप्त

    बिहिवार, २५ माघ २०७४, आहाखबर

     

    काठमाडौँ, २४ माघ 

    नेपाल आइटीएफ जुनियर अठार वर्षमुनि (यु–१८)  टेनिस  प्रतियोगिताको  सर्किट–१ मा  नेपालको चुनौती आज समाप्त भएको छ । 

    सिंगल्स र डबल्स दुवै स्पर्धामा पराजित भएपछि नेपाली खेलाडीको चुनौती समाप्त भएको हो । पुरुष एकलमा भारतका जैशविन सिडानाले नेपालका प्रणव खनाललाई ६–३ र ६–० सेटले पराजित गरे । 

    भारतका वंश भग्तानीले लाओसका फाथिकोन कन्याफनलाई ६–२ र ६–१, भारतका प्रशन्न प्रवीण बगाडेले थाइल्यान्डका तानापात निरुन्डोर्नलाई ६–४ र ६–२, जापानका ताइयो हिरानोले भारतका रिसभ अग्रवाललाई ६–० र ६–१ ले पाखा लगाए । 

    त्यसैगरी ताइपेईका चिया फान साउले चीनका ग्वाङसेन वेनलाई ६–४ र ६–१, जापानका ताइसेई कागेयामाले चीनका ग्वाङलिन वेनलाई ६–१, २–६ र ६–१, भारतका अनुराग अग्रवालले ताइपेईका काइ सियाङ याङलाई ३–६, ७–५ र २–० (रिटायर्ड हर्ट) तथा भारतका निइथाउलिन काल्भिन गोमेइले पाकिस्तानका मुहम्मद नौमन अफ्ताबलाई ६–२ र ६–२ को सेटमा पराजित गरी क्वाटरफाइनलमा प्रवेश गरे । 

    यता महिला एकलमा चीनकी यिमिङ दाङले नेपालकी माहिका राणालाई ६–० र ६–२ ले पराजित गरिन् भने हङकङकी चुई केइ लिउङले नेपालकी इरा रावतलाई ६–३ र ६–० तथा भारतकी श्रीनिधि श्रीधरले नेपालकी एनी माथेमालाई ७–६ र ६–३ पराजित गरिन् । 

    जापानकी कानोन यासुमोतोले फिलिपिन्सकीमा कार्मेनसिता इसाबेला कार्लोसलाई ६–१ र ६–४, जापानकी मनामी उकिताले भारतकी स्मृति भासिनलाई ६–१ र ६–३, अमेरिकाकी रुतुजा छप्हल्करले नेपालकी प्रेरणा कोइरालालाई ६–२ र ६–३, भारतकी प्रिंकल सिंहले भारतकी साना खन्नालाई ६–२ र ७–६ तथा भारतकी दिव्या भानीले भारतकै अर्चिता महल्वाललाई ६–२ र ६–१ को सेटमा हराउदै क्वाटरफाइनलमा स्थान सुरक्षित गरे । 

    पुरुष डबल्समा भारतका वंश र जैशविनको जोडीले लाओसका फाथिकोन र थाइल्यान्डका तानापातको जोडीलाई जापानका ताइयो र ताईपेईका चियाको जोडीले भारतका भूपेन्द्र दाहिया र कृषशन गुडाको जोडीलाई पराजित गरिन् भने जापानका दाइसुके इनागावा र कागेयामाको जोडीले भारतका तरुष बगाई र रोहन श्रीवास्ताको जोडीलाई पाखा लगाउदै सेमिफाइनलमा पुगे । 

    महिला डबल्समा भारतका अस्प्रित कौर वाज्वा र पुन्यातोया मोहापात्रको जोडीले नेपालका मायाङ्का राणा र माहिका राणाको जोडीलाई पराजित गरे भने हङकङकी लिउङ र भारतकी सान्या सिंहको जोडीले अमेरिकाकी रुतुजा र नेपालकी प्रेरणाको जोडीलाई, भारतका स्मृति र रुदया शाहको जोडीले नेपालकी प्रकृति श्रेष्ठ र भारतकी श्रीनिधिको जोडीलाई तथा जापानका आयुमी हामा र कानोनको जोडीले चीनकी यिमिङ र क्विनयु लिउको जोडीलाई पराजित गर्दै सेमिफाइनलमा पुगे । 
     

    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast