शुक्रबार, जेष्ठ २३, २०७७
    धर्म-संस्कृति

    किराँत महोत्सव

    झापामा संस्कृतिको संरक्षण तथा सामाजिक एकताको सन्देश दिँदै किराँत महोत्सव सुरु

    महोत्सवमा राष्ट्रिय कलाकारहरुले मनोरञ्जन दिने, विभिन्न किराँत सांस्कृतिक झलक प्रस्तुति दिने स्टल तथा खानाका परिकारसहित ११ स्टल रहने

    सोमबार, १५ माघ २०७४, रासस/ (आहा खबर).
    भद्रपुर, १५ माघ  । 
     
    किराँत संस्कृतिको संरक्षण तथा सामाजिक एकताको सन्देश लिएर हरेक वर्षको उद्यौली पर्वका अवसरमा लगाइँदै आएको ११औँ किराँत महोत्सव भद्रपुरमा शुरु भएको छ । 
     
    निर्माणाधीन किराँत सामुदायिक भवन निर्माण पूरा गराउन सहयोगार्थ हरेक वर्ष चल्दै आएको सो महोत्सव एक महिनासम्म चल्ने आयोजक किराँत कल्याण समितिले जानकारी दिएको छ । 
    महोत्सवमा राष्ट्रिय कलाकारहरुले मनोरञ्जन दिने, विभिन्न किराँत सांस्कृतिक झलक प्रस्तुति दिने स्टल तथा खानाका परिकारसहित ११ स्टल रहेका छन् । 
     
    मेला संयोजन समितिका संयोजक जीवन सुब्बाले दिएको जानकारीअनुसार पुस २७ गतेबाट शुरु भएको महोत्सव यही माघ २९ गते समापन हुनेछ । महोत्सवमा किराँत खानाका परिकार, सांस्कृतिक वेशभूषा, हातहतियार प्रदर्शन भइरहेको संयोजक सुब्बाले जानकारी दिए  । 
     
    भद्रपुर–८ का वडाध्यक्ष तथा किराँत कल्याण समितिका पूर्वअध्यक्ष गौरव सुब्बा (मनोज) का अनुसार सामाजिक एकता प्रदर्शन गर्दै जातीय पहिचानसहित किराँत संस्कृतिको संरक्षण गर्न महोत्सव फलदायी बन्नेछ । 
     
    एघारौँ महोत्सवसम्म आइपुग्दा समितिले रु एक करोड २५ लाख खर्च गरेर तीनतले सुविधा सम्पन्न सामुदायिक भवन बनाउन सफल भएको जानकारी दिए  । वडाध्यक्ष सुब्बाका अनुसार रु २५ लाख जति खर्च गर्न सके भवनको सम्पूर्ण निर्माण पूरा हुनेछ, जसका लागि महोत्सवको सहयोग लिइएको हो भने ।
    किराँत कल्याण समितिकी अध्यक्ष सुमन राई भन्छन्, “सुविधा सम्पन्न सामुदायिक भवनलाई पार्किङस्थल आवश्यक परेकाले भवनसित जोडिएको एक कट्ठा जग्गा खरिद गर्नैपर्ने बाध्यता छ, जसका लागि पनि महोत्सव रोज्नु परेको हो ।” 
     
    तपाईको समाचार, लेख /रचना वा सुझाव भएमा news@aahakhabar.com मा पठाउनुहोला ।

    यसमा तपाईको प्रतिक्रिया (Comment)
    Weather Forecast