कालीकोट, १२ साउन । कर्णाली राजमार्गको शुभकालिका गाउँपालिका–१ मा पर्ने कालेखोलामा पहिरो जाँदा यातायातका साधन अवरुद्ध भएको छ । शनिबार राति गएको पहिरोले राजमार्ग अवरुद्ध भएको हो ।  अहिले खुलाउने प्रयास जारी रहेको सडक डिभिजन कार्यालय जुम्लाले जनाएको छ । राजमार्ग अवरुद्ध हुँदा जुम्ला र कालीकोटबाट सुर्खेत, नेपालगञ्जका लागि छुटेका यात्रुबाहक सवारीसाधन तथा यात्रुहरु बीच बाटो नै अलपत्र परेका छन् । ..

चितवन, १२ साउन । इच्छाकामना गाउँपालिका–४ फिस्लिङस्थित पृथ्वी राजमार्गमा आईतबार बिहान ट्रकको पछाडि बस ठक्कर खाँदा बसमा सवार एक जनाको मृत्यु भएको छ भने पाँच घाइते भएका छन् । जिल्ला प्रहरी कार्यालय चितवनले दिएको जानकारीअनुसार मृत्यु हुनेमा झापाको मेची–२ बस्ने २३ वर्षीय भानु तिमिल्सिना रहेका छन् । उपचारका लागि भरतपुरतर्फ ल्याउँदै गर्दा उनको बाटोमै मृत्यु भएको हो ।  गौरबाट भैँसी लिएर काठमाडौँतर्फ जाँदै..

कास्की, ११ साउन  पर्यटकीय शहर पोखरा प्रवेशको मुख्यद्वार विजयपुर खोलामाथि बेलिब्रिज (पुल) सञ्चालनमा ल्याइएको छ । विजयपुर खोलामाथि एक दशकअघि निर्माण गरिएको पक्की मोटरेवल पुलको स्टिल बिम चर्किदा ठूला भार क्षमताका यातायातका साधन पुलबाट आवतजावत रोक लगाइएकामा आज साँझबाट बेलिब्रिज सञ्चालनमा ल्याएर यातायात वारपार शुरु गरिएको  डिभिजन सडक कार्यालय पोखराका प्रमुख हरिप्रसाद पोखरेलले जानकारी दिनुभयो । गत फागुनमा पक्की पुल जीर्ण भएको..

काठमाडौँ, ११ साउन   निजी क्षेत्रको अग्रणी वायु सेवा प्रदायक कम्पनी यती एयरलाइन्सले आफ्नो सेवा विस्तारका क्रममा पाँचौँ ‘एटीआर–७२–५००’ विमान भित्र्याएको छ ।   कलसाइन नाइन एन एएनजी विमान थाइल्याण्डको राजधानी बैंककबाट उडेर आज दिउँसो त्रिभुवन अन्तर्राष्ट्रिय विमानस्थलमा अवतरण गरेको थियो ।   व्यावसायिकतासँगै सरकारले घोषणा गरेको नेपाल भ्रमण वर्षलाई सहयोग पु¥याउने लक्ष्यका साथ यतीले विमान थपेको हो ।  उक्त लक्ष्य हासिल गर्न थपिएका विमानले सहयोग..

कालिकोट, ११ साउन ।  कर्णाली राजमार्गमा गएराति पहिरो खस्दा अवरुद्ध भएकाे कर्नाली राजमार्ग खुला भएकाे छ । कालिकाेटकाे शुभकालिका गाउँपालिका-१ स्थित कर्णाली राजमार्गमा गएराति पहिरो खस्दा अवरुद्ध कर्णाली राजमार्ग खुला भएको हाे। हुल्मा प्रहरी चौकी इन्चार्ज मिनबहादुर बमका अनुसार वर्षाका कारण गगनेमा गएराति पहिरो खस्दा अवरुद्ध भएको राजमार्ग दिउँसोबाट खुलेको हो।  गगनेमा दैनिक रुपमा पहिरो खस्दा राजमार्ग अवरुद्ध हुने गरेको छ। आज पनि..

काठमाडौँ, १० साउन । काठमाडौँ उपत्यकामा ३१ प्रतिशत प्रदूषण मापदण्ड विपरीत सवारीसाधनबाट हुने गरेको पाइएको छ । राष्ट्रिय मानवअधिकार आयोगले आज ललितपुरमा आयोजना गरेको ‘वातावरण प्रदूषण र मानवअधिकार एक अध्ययन प्रतिवदेन सार्वजनिक तथा वातावरण विधेयक–२०७५’ विषयक अन्तरक्रिया कार्यक्रममा उपत्यकामा सवारीसाधनले अत्यधिक चाप हुनाका साथै मापदण्ड विपरीतका सवारीसाधनले ३१ प्रतिशत प्रदूषण हुने गरेको पाइएको हो ।  प्रतिवेदनको आयोगका कार्यवाहक अध्यक्ष प्रकाश वस्तीले सार्वजनिक..

काठमाडौं, १० साउन । इन्धन भर्न जहाज तथा हेलिकप्टर काठमाडौंमै आउनुपर्ने बाध्यता हटेको छ । नेपाल आयल निगमले जनकपुरमा हवाई इन्धन भर्न रिफ्युलिङ संचालनमा ल्याएको छ । विमानस्थलबाट रात्रीकालिन सेवालाई लक्षित गर्दै रिफ्युलिङ सेवा सुरु गरेको हो । यो विमानस्थलमा १६ हजार लिटर क्षमताको रिफ्युलिङ मेसिन राखिएको छ । सेवा सुरु भएपछि प्रदेश नम्बर २ मा रात्रीकालिन सेवा सुरु गर्न जहाजलाई बाटो खुलेको छ..

मुग्लिन, १० साउन ।  चितवनमा सवारी दुर्घटना हुँदा १५ जना घाइते भएका छन् ।  वीरगञ्जबाट धादिङ जाँदै गरेको ना८ख ६०५८ नंको यात्रुबाहक बस र काठमाडौँबाट नारायणगढतर्फ जाँदै गरेको  ना६ख २८९५ नंको मालबाहक ट्रक शुक्रबार बिहान ८ः४० बजे  पृथ्वीराजमार्गअन्तर्गत चितवनको इच्छाकामना– ४ लेवाटारमा एकआपसमा ठोक्किएर दुर्घटना भएको इलाका प्रहरी कार्यालय मुग्लिनले जनाएको छ ।  घाइतेको उपचारका लागि भरतपुर लगिएको छ । दुर्घटनापछि अवरुद्ध भएको..

पर्वत, ९ साउन यहाँका दुई लोकमार्गमा वर्षायाम शुरु भएदेखि नै हिलो र पहिरोको सास्ती बढेको छ । मध्यपहाडी (पुष्पलाल) लोकमार्ग धवलागिरिवासीको ‘लाइफलाइन’ सडक हो तर यतिबेला यही सडक धवलागिरिका चार जिल्लावासीका लागि धराप बनेको छ । त्यस्तै अर्को राष्ट्रिय गौरवको योजना कालीगण्डकी लोकमार्गमा पनि उस्तै अवस्था छ ।  गत १४ महीनायता पर्वतको मालढुङ्गादेखि कास्कीको विन्ध्यवासिनीसम्मको करीब ६५ किलोमिटर दूरीको यो सडक स्तरोन्नतिको..

पाल्पा, ८ साउन । वर्षाका कारण पाल्पाको रम्भा गाउँपालिका–२ फोक्सिङकोटमा जोखिम बढेको छ । विभिन्न स्थानमा खसेको पहिरोले घरगोठ बगाउने तथा पुरिने खतरा बढेको छ । मोटरबाटो चौडा गर्न डोजर लगाएपछि फोक्सिङकोटको रानीवासको लम्भार क्षेत्रमा पहिरो गएको छ । वर्षाले बस्तीदेखि तल रहेको बारीमा पहिरो गएपछि जोखिम बढेको वडासचिव धनकुमारी सारुले बताइन् । “गाउँमा पहिरोको जोखिम बढेको छ, डर र त्रासका साथ..

घोराही, ७ साउन  स्थानीयवासीको अवरोधका कारण लमही–कोइलावास सडक निर्माण प्रभावित भएको छ । लमही–४ सेम्रहवाका बासिन्दाले उचित मुआब्जा उपलब्ध गराउनुपर्ने भन्दै अवरोध गरेका हुन् । सरकारले सो ठाउँमा प्रतिवर्गमिटर रु ५० मुुआब्जा निर्धारण गरेको छ । मुआब्जामा चित्त नबुझिएपछि स्थानीयवासीले सडक निर्माण रोकेका छन् । जग्गा मासिएपछि लमही–४ का देशुराम चौधरी आफू निकै मर्कामा परेको बताउनुहुन्छ । “मुआब्जा न्यून भयो, सरकारले उचित..

काठमाडाैं, ७ साउन । रिभोल्ट इन्टेलिकर्पको आरभी ४०० मोटरसाइकल बजारमा आउने । अगस्टदेखि रिभोल्ट इन्टेलिकर्पकोआरभी ४०० भारतिय बजारमा आउने हुने भएकाे हाे ।  केही दिनपहिले सो बाइक सार्वजनिक गरिएको थियो। यो मोटरसाइकल रिभोल्टको आरभी ४०० इलेक्ट्रिक मोटरसाइकल अरु इलेक्ट्रिक मोटरसाइकलभन्दा फरक रहेको कम्पनीले बताएको छ। यो एकपटकमा फुलचार्ज गर्दा १ सय ५६ किलोमिटरसम्म चलाउन सकिने बताइएको छ। यसको प्रि–बुकिङ जुन २५ देखि सुरु गरिएको छ।..

काठमाडौँ, ७ साउन  जोरपाटी–गोकर्ण–सुन्दरीजल सडक तत्काल मर्मतसम्भार गरी सहजरुपमा यातायात सञ्चालन गराएर कालोपत्र गर्ने काम अघि बढाउन जनप्रतिनिधि सहमत भएका छन् । गत भदौमै कालोपत्र भइसक्नुपर्ने गरी ठेक्का भएको सडक थपिएको म्याद सकिन लाग्दासमेत काम शुरु हुन सकेको छैन । गत वर्ष सकिएर थपिएको म्याद पनि आगामी भदौमा सकिँदैछ तर सडक सार्वजनिक जग्गा भएको स्थानमा मात्र विस्तार गर्न लागेजस्तो देखिन्छ । जीर्ण..

काठमाडौँ, ६ साउन ।  तोकिएको शर्त पुरा गर्न नसकेको भन्दै नेपाल वायुसेवा निगमले देवमान हिराचनलाई जापान प्रतिनीधीबाट हटाएपछि उनको ठाउँमा जापानको एआइजे (एभिएशन इन्टरनेश्नल जापान) कम्पनीलाई नियुक्त गरिएको छ । निगमका अनुसार 'जापानमा सहजै निगमको कर्मचारी परिचालन गर्नका लागि प्रतिनिधी नियुक्त गर्ने गरिन्छ । जसले गर्दा यताबाट गएका निगमका कर्मचारीहरुलाई भिसाको समस्या हुँदैन । उनीहरुले आधिकारीक रुपमा जापानमा बसेर काम गर्ने वातावरण..

बर्दिवास, ६ साउन  जिल्लाको बर्दिवास नगरपालिका–५ टुटेश्वरस्थित श्रीटुटेश्वरनाथ महादेवको दर्शन गरेर फर्कँदै गरेका २८ भारतीय भक्तजन सडक दुर्घटनामा घाइते भएका छन् । साउने सोमबारे मेलाको अवसरमा मन्दिरको दर्शन गरेर फर्कने क्रममा उनीहरू महोत्तरीमा सडक दुर्घटनामा घाइते भएका हुन् । टुटेश्वर मन्दिरबाट बर्दिवास आउने क्रममा पूर्व–पश्चिम राजमार्गको वनक्षेत्रमा भारतीय यात्रु चढेको ना ४ च १०९९ नं को पिकअप भ्यान आज सोमबार दिउँसो पल्टेको..

काठमाडौँ, ६ साउन   जीर्ण सडकमा ग्राभेल भन्दै माटो हालेर खेत रोप्ने गह्रा जस्तो बनाइएको भनी स्थानीयवासीले जोरपाटी–गोकर्ण–सुन्दरीजल सडक अवरुद्ध गरेका छन् ।   सडक विस्तार गरी कालोपत्रका लागि बोलपत्र गरेको चार वर्ष बित्दा समेत काम शुरु नगरी माटो हालेर थप समस्या ल्याउन खोजिएको स्थानीयवासीको आरोप छ । माटो हालेपछि सडक थप जीर्ण हुनुका साथै यात्रुको सुरक्षामा समेत गम्भीर प्रभाव पर्ने गरेको स्थानीयवासी नन्दलाल..

धादिङ, ६ साउन । पृथ्वीराजमार्गअन्तर्गत धादिङको थाक्रे गाउँपालिका–१ खयरघारीमा आज बिहान यात्रुबाहक बससँग ठोक्किएर माइक्रो खोलामा खस्दा १२ घाइते भएका छन् ।  चितवनबाट काठमाडौँ जाँदै गरेको बा ५ ख २१५१ नम्बरको माइक्रो विपरीत दिशाबाट आउँदै गरेको लु २ ख २१३४ नम्बरको बस एकापसमा ठोक्किएर दुर्घटना भएको जिल्ला प्रहरी कार्यालयका सूचना अधिकारी प्रहरी नायब उपरीक्षक रुपक खड्काले जानकारी दिनुभयो ।  बसले माइक्रोलाई ठक्कर दिएपछि..

काठमाडौँ, ५ साउन   निजी क्षेत्रको अन्तरराष्ट्रिय वायु सेवा प्रदायक कम्पनी हिमालय एयरलाइन्सले सोमबारदेखि बङ्गलादेशको राजधानी ढाका उडान गर्ने भएको छ । बङ्गलादेशी पर्यटकको नेपाल आगमन सहजतालाई लक्षित गर्दै कम्पनीले काठमाडौँ–ढाका सिधा उडान थाल्ने जनाएको हो । काठमाडौँ–ढाका साताको तीन दिन उडान गर्ने गरी तालिका बनाइएको हिमालय एयरलाइन्सका उपाध्यक्ष विजय श्रेष्ठले राससलाई जानकारी दिनुभयो ।   उहाँले पर्यटकीय सम्भावना बोकेको गन्तव्य बङ्गलादेशमा आफ्नो सञ्जाल..

हेटौँडा, ५ साउन । भारी वर्षाका कारण ठाउँठाउँमा पहिरो गएर अवरुद्ध बनेको तराई तथा भित्री मधेशलाई काठमाडौँसँग जोड्ने छोटो मार्ग हेटौँडा–कुलेखानी–फाखेल–काठमाडौँ मार्ग आज बिहानदेखि पूर्णरुपमा सञ्चालनमा आएको छ । दश दिन लगाएर पहिरो पन्छाएपछि बाटो सञ्चालन भएको हो । इन्द्रसरोवर गाउँपालिकाअन्तर्गतको महालक्ष्मी खोलामा आएको पहिरो तथा अन्य सानातिना पहिरो हटाएर बाटो सञ्चालनमा ल्याएको जिल्ला प्रशासन कार्यालय मकवानपुरले जनाएको छ । पानी पर्ने..

काठमाडौँ, ५ साउन ।  पहिरोका कारण पहाडी जिल्ला जोड्ने तीन मुख्य राजमार्ग सातादेखि ठप्प छन् । सिद्धिचरण, कोसी र मेची राजमार्गका ठाउँ–ठाउँमा पहिरो खसेको छ ।   सिद्धिचरण राजमार्गको बेतेनी–घुर्मी खण्डअन्तर्गत उदयपुरको कटारी नगरपालिका–११ स्थित ठाँटीभन्ज्याङमा ‘एलाइनमेन्ट’ नै परिर्वतन गर्नुपर्ने अवस्था भएपछि सञ्चालनमा कठिनाइ भएको छ । पूरै सडक पहिरोले बगाएपछि नयाँ ट्र्याक खोलेर सञ्चालन गर्ने तयारी भइरहेको छ । यो राजमार्ग रोकिँदा..

काठमाडौँ, ५ साउन ।  सरकारले संघीय राजधानीमा मेट्रो रेल्वे निर्माणका लागि विस्तृत परियोजना प्रतिवेदन (डीपीआर) तयार पार्न कम्पनी छनोट प्रक्रिया अघि बढाएको छ । सम्भाव्यता अध्ययनबाट पहिलो चरणमा बूढानीलकण्ठदेखि सातदोबाटोसम्म २२ किलोमिटर लामो रेल्वे आर्थिक रूपमा फाइदाजनक हुने प्रतिवेदन आएपछि रेल विभागले डीपीआर तयार पार्न कम्पनी छनोट प्रक्रिया थालेको हो । विभागले डीपीआर तयार पार्न इच्छुक कम्पनीहरूसित प्रस्ताव (आरएफपी) मागेको थियो ।..

लमही, ४ साउन । ढुवानी व्यवसायीको आन्दोलनका कारण दाङमा रोकिएको पेट्रोलियम पदार्थ आयत आजदेखि सहज भएको छ । गत असार २६ गतेदेखि पेट्रोलियम पदार्थ सहज आपूर्ति हुन नसक्दा दाङमा डिजेल र पेट्रोलको अभाव रहेको थियो । ढुवानी व्यवसायी र डिलर एशोसिएशनबीच सहमति भएपछि आजदेखि सहज आपूर्ति भएको नेपाल आयल निगम वितरण केन्द्र तुलसीपुरका प्रमुख सुजित पोखरेलले बताउनुभयो । “आजदेखि ढुवानी सहज..

राँझा, ४ साउन नेपाल एयरलाइन्सको नेपालगञ्ज–काठमाडौँ  उडान स्थगित हुँदा हजयात्री नेपालगञ्ज विमानस्थलमा अलपत्र परेका छन् । नेपाल एयरलाइन्सको आज ११ः५० को नियमित उडानबाट काठमाडौँ जानका लागि करीब २० दिनअघि टिकट लिएका हजयात्री नेपाल एयरलाइन्स विमानको उडान स्थगित हुँदा अलपत्र परेकोे हजयात्री मोहम्मद उमरले बताउनुभयो । उहाँका अनुसार, घरबाट साइत गरी बिदावारी भएर काठमाडाँै उडानका लागि नेपालगञ्ज विमानस्थल पुगेका हजयात्री बोर्डिङपास लिने बेलामा नेपाल..

सर्लाही, ४ साउन  छुट्टाछुट्टै दुर्घटनामा परी आज यहाँ दुई जनाको मृत्यु भएको छ । हरिवन नगरपालिका–१० मा करेन्ट ३५ वर्षीय काजीमान बुढाथोकीको मृत्यु भएको छ । स्थानीयवासी गणेश भट्टराईको लेथ मेसिनमा काम गर्ने क्रममा बुढाथोकीलाई करेन्ट लागेको हो । उनको हरिवनस्थित स्वाभिमान अस्पतालमा उपचारका क्रममा मृत्यु भएको इलाका प्रहरी कार्यालय हरिवनले जनाएको छ ।   यस्तै मलङ्गवा–४ मा ट्र्याक्टरबाट लडेर एक बालकको ज्यान..

पर्वत, ४ साउन राष्ट्रिय गौरवको आयोजना मध्यपहाडी लोकमार्गको पर्वतखण्डमा मध्यपहाडी लोकमार्ग कार्य मनसुन सक्रिय भएसँगै रोकिएको छ । मनसुनका कारण काम गर्न अप्ठ्यारो भएको र कामदारसमेत रोपाइँका लागि घरतर्फ गएपछि एक महीनाका लागि काम रोकिएको लोकमार्ग आयोजना कार्यालय पर्वतले जनाएको छ ।  आयोजना प्रमुख आशिष थापामगरले भदौ पहिलो हप्तासम्मका लागि लोकमार्ग विस्तारको काम रोकिएको बताउनुभयो । “बाटो बन्द भएमा खुलाउनेबाहेक अरु काम..

काठमाडौँ, ४ साउन ।  नारायणी नदीमा सञ्चालन गर्न चार महिनादेखि निर्माणाधीन क्रुज (मिनी पानीजहाज)लाई नदीमा राखिएको छ । पानीबाहिर राखेर निर्माण गरिँदै आएको क्रुजको काम सकिएपछि पानीमा राखेर निर्माण सुरु गरिएको राइनो वाटर इन्टरटेनमेन्ट प्रालिका प्रबन्ध निर्देशक रामचन्द्र कँडेलले जानकारी दिनुभयो । चैतबाट जहाज निर्माण थालेको कम्पनीले पानीमा राखेपछि आउँदो दशैँमा सञ्चालन गर्ने तयारी गरेको छ ।    तीन सय जना अटाउन सक्ने..

काठमाडौँ, २ साउन गत सातादेखि परेको निरन्तर वर्षाका कारण निर्माणाधीन बर्दिवास–जयनगर रेलमार्गको इनरुवा खण्डमा क्षति पुगेको छ । यस रेलमार्गको ७० मिटर क्षेत्रमा असर पुगेको छ ।  वर्षातका कारण हालै सम्पन्न भएको रेलमार्गमा क्षति पुगेको रेल विभागले जनाएको छ । कमला नदीमा तटबन्ध फुट्दा आएको बाढीले त्यस स्थानमा असर पुगेको विभागका वरिष्ठ डिभिजनल इञ्जिनीयर अमन चित्रकारले बताउनुभयो । सो स्थानमा ‘ट्रयाक’ निर्माण..

दमौली, २ साउन अख्तियार दुरुपयोग अनुसन्धान आयोग, पोखराको टोलीले घुस रकमसहित सडक डिभिजन कार्यालय दमौलीका कम्प्युटर अपरेटर प्रकाश पौडेल र ‘वाइल्ड स्ट्रोङ कन्सल्टेन्सी’का सुमित शाहीलाई पक्राउ गरेको छ ।  आयोगको पोखरा कार्यालयका प्रवक्ता मेघनाथ रिजालका अनुसार सेवाग्राहीबाट रु एक लाख ७५ हजार घुस लिने क्रममा दुवै जनालाई कार्यालयबाटै पक्राउ गरिएको हो । अपरेटर पौडेलसँग मिलेर शाहीले बिचौलियाको भूमिका निभाएका थिए ।  लमजुङको सुन्दरबजारस्थित..

काठमाडौँ, २ साउन  सरकारले काठमाडौँ उपत्यकाको सवारी व्यवस्थापनलाई सुधार गर्न आफूले साझा यातायातमा शेयर लगानी गरेको प्रष्ट पारेको छ । सञ्चार तथा सूचना प्रविधि मन्त्रालयमा आज आयोजित पत्रकार सम्मेलनमा सरकारका प्रवक्ता गोकुलप्रसाद बाँस्कोटाले शहरी यातायातलाई व्यवस्थित बनाउँदै ठूला क्षमताका यातायात प्रणाली विकास गर्ने चासोका साथ साझा यातायातलाई नेपाल सरकारको शेयर लगानीका रुपमा रु तीन अर्ब उपलब्ध गराइएको बताउनुभयो ।  राजधानीमा ठूला बस..

उर्लाबारी, २ साउन । मोरङको पथरीशनिश्चरे नगरपालिका–१० स्थित पूर्व–पश्चिम राजमार्गमा बिहिबार बस पल्टिँदा दुईको मृत्यु भएको छ ।  मृत्यु हुनेमा बसका सहचालक मोरङकै कानेपोखरी गाउँपालिका–३ का ३१ वर्षीय टीकाराम थापा र बसमा सवार नामथर वतन नखुलेका अन्दाजी ३५ वर्षीय पुरुष रहेका छन् । पश्चिमबाट पूर्वतर्फ आउँदै गरेको को १ ख ४८४२ नम्बरको बसले विपरीत दिशाबाट जाँदै गरेको मे १ च ५३९१ नम्बरको..